સુરમાના શૂટિંગ દરમ્યાન તાપસી પન્નુને ગુલાંટ મારવાની પનિશમેન્ટ મળતી હતી
‘સુરમા’ના શૂટિંગ દરમ્યાન તાપસી પન્નુને ગુલાંટ મારવાની સજા મળતી હતી. આ ફિલ્મ ઇન્ડિયન હૉકી સ્ટાર સંદીપ સિંહના જીવન પર આધારિત હતી. શૂટિંગ વખતે તેઓ પણ હાજર રહેતા હતા. એ દરમ્યાન તાપસીથી જો કોઈ ભૂલ થતી તો તાપસીને તેઓ સજા આપતા હતા. આ ફિલ્મમાં તાપસીની સાથે દિલજિત દોસંજ સંદીપ સિંહના પાત્રમાં હતો. શૂટિંગનો એ કિસ્સો યાદ કરતાં એક વિડિયો ઇન્સ્ટાગ્રામ પર શૅર કરીને તાપસીએ કૅપ્શન આપી હતી કે ‘આ ‘સુરમા’નો જ એક ભાગ છે. હૉકીના વિશ્વમાં એને ‘બાજીયાં’ કહેવામાં આવે છે. જોકે બાળપણમાં અમે દિલ્હીમાં એને ‘ગુલાટી’ કહેતા હતા. હૉકી વર્લ્ડમાં આ સજા કરવામાં આવે છે. બાળપણમાં અમને એની મજા આવતી હતી. હું એક હાઇપર બાળક હતી એથી મેં ખૂબ એની સાથે મજા કરી હતી. એથી સેટ પર મારા માટે આ કરવું ખૂબ સરળ હતું. સાથે જ હું જ્યારે પણ ક્લાસમાં ગેરહાજર રહેતી તો મારા કોચ સંદીપ સિંહ મને આ સજા આપવા માટે હંમેશાં તૈયાર રહેતા હતા. અમે આ રીતે તૈયારી કરી હતી.’