દિલીપકુમારના બે ભાઈઓને કોરોના
દિલીપ કુમાર
દિલીપકુમારનાં બે ભાઈઓ એહસાન ખાન અને અસલમ ખાન કોરોના પૉઝિટિવ મળી આવતાં તેમને લીલાવતી હૉસ્પિટલમાં દાખલ કરવામાં આવ્યા છે. તેમને અચાનક શ્વાસ લેવામાં તકલીફ થઈ હતી. એથી તેમને સારવાર માટે દાખલ કરવામાં આવ્યા છે. આ બન્નેની ઉંમર ૯૦ની આસપાસ છે. ડૉક્ટર્સ મુજબ તેમના શરીરમાં ઑક્સિજનનો સ્તર ઘટી ગયો હતો. સાથે જ તેમને પહેલેથી જ બ્લડ-પ્રેશર અને હાર્ટને સંબંધિત બીમારીઓ છે. કોરોના થવાથી તેમને શ્વાસ લેવામાં તકલીફ થઈ છે. સાથે જ તેમને તેજ ખાંસી અને તાવ પણ છે. એ વિશે સાયરા બાનુએ કહ્યું હતું કે ‘ચિંતાની કોઈ વાત નથી. એહસાન અને અસલમ જલદી જ સ્વસ્થ થઈને ઘરે પાછા ફરશે.’
