અનુપ સોની ફરી ક્રાઇમ પેટ્રોલમાં એન્ટ્રી કરશે
અનુપ સોની ફરી ક્રાઇમ પેટ્રોલમાં એન્ટ્રી કરશે
અનુપ સોની હવે ફરીથી સોની ચૅનલ પર આવતાં ‘ક્રાઇમ પેટ્રોલ’માં જોવા મળવાનો છે. આ વખતે તે નવા અવતાર એટલે કે દાઢીવાળા લુકમાં દેખાશે. તે પહેલાંની જેમ લોકોને અપરાધની ઝીણવટપૂર્વક માહિતી પણ આપશે. અનુપે તાજેતરમાં જ પ્રોમોનું શૂટ કર્યું છે. આ વિશે અનુપે કહ્યું હતું કે ‘હું સાત વર્ષથી આ શો સાથે જોડાયેલો હતો. મારા અન્ય પ્રોજેક્ટ્સ પર ધ્યાન આપવા માટે મેં આ શોમાંથી બ્રેક લેવાનો નિર્ણય લીધો હતો. ૧૫ મહિના બાદ આ શોમાં પાછો ફરવાથી હું ખુશ છું.
આ પણ વાંચોઃ જૅકલિનની મિસિસ સિરિયલ કિલરમાં જોવા મળશે મનોજ બાજપાઈ અને મોહિત રૈના
ADVERTISEMENT
પહેલાની સીઝનની જેમ જ આ સીઝનમાં પણ જણાવવામાં આવશે કે કઈ રીતે નાની ઘટનાઓ સામાન્ય માણસની લાઇફ પર અસર કરતાં તે અપરાધ કરવા પ્રેરિત થાય છે. એમાં એ વ્યક્તિનો તણાવ અથવા તો તેનાં ઇમોશનલનું અસમતોલપણું પણ દેખાઈ આવે છે. સામાન્ય વ્યક્તિ અને અપરાધિક માનસિકતા ધરાવનાર માણસ વચ્ચે એક પાતળી રેખા હોય છે. આ બધું વ્યક્તિની વિચારધારા પર આધાર રાખે છે. એક વ્યક્તિ અન્ય વ્યક્તિને પછાડીને આગળ વધે છે અને બીજી તરફ એક વ્યક્તિ જાત મહેનતે પ્રામાણિકપણે પ્રગતિ કરે છે એ જ તફાવત સામાન્ય માણસ અને અપરાધીની વચ્ચે છે.’