અમિતાભ બચ્ચને શોધી કાઢયું માસ્કનું હિન્દી નામ, તમે પણ જાણી લો

Updated: Jun 24, 2020, 12:55 IST | Gujarati Mid-day Online Correspondent | Mumbai

મહાનાયકે ફિલ્મ 'ગુલાબો સિતાબો'ના પોસ્ટર વાળું માસ્ક પહેરીને સોશ્યલ મીડિયા પર તસવીર પોસ્ટ કરી છે

તસવીર સૌજન્ય: ઈન્સ્ટાગ્રામ
તસવીર સૌજન્ય: ઈન્સ્ટાગ્રામ

બૉલીવુડના મહાનાયયક અમિતાભ બચ્ચન સોશ્યલ મીડિયા પર હંમેશા એક્ટિવ હોય છે. તેઓ ફૅન્સ સાથે સતત કંઈકને કંઈક શૅર કરતા જ હોય છે. ક્યારેક કોઈ મોટીવેશનલ પોસ્ટ તો ક્યારેક કોઈ ફની પોસ્ટ અને ક્યારેક જીવનમાં શું ચાલી રહ્યું છે તેની પોસ્ટ. તાજેતરમાં જ અમિતાભ બચ્ચને સોશ્યલ મીડિયા પર એક પોસ્ટ શૅર કરી છે, જે બહુ વાયરલ થઈ છે. આ પોસ્ટમાં તેમણે માસ્કનો શબ્દનું હિન્દી નામ શોધી કાઢયું છે.

સોશ્યલ મીડિયા પર પોસ્ટ કરેલી તસવીરમાં અમિતાભ બચ્ચને તાજેતરમાં જ OTT પ્લેટફોર્મ પર રીલીઝ થયેલી તેમની ફિલ્મ 'ગુલાબો સિતાબો'ના પોસ્ટર વાળું માસ્ક પહેરેલું છે. સાથે જ કૅપ્શનમાં લખ્યું છે કે, 'મળી ગયું, મળી ગયું, મળી ગયું. ઘણી મહેનત પછી માસ્કનું અનુવાદ મળી ગયું. હિન્દીમાં માસ્કનું ભાષાંતર છે, નાસિકામુખસંરક્ષક કીટાણુરોધક વાયુછાનક વસ્ત્રડોરીયુક્ત પટ્ટિકા.'

અમિતાભ બચ્ચનની આ પોસ્ટ પર યુર્ઝસ બહુ રસપ્રદ કમેન્ટસ કરી રહ્યાં છે. એક યુઝરે કમેન્ટ કરી હતી કે, 'સર શું આ આગામી KBCની સીઝનનો સવાલ છે?' તો અન્ય એક યુઝરે લખ્યું હતું કે, 'સર આટલું ભયાનક નામ કઈ રીતે યાદ રહેશે?'

બીગબીના આ પોસ્ટને ચાર લાખ કરતા વધુ લાઈક્સ મળી છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK