મિસ્ટરી-થ્રીલરમાં પહેલી વાર સાથે કામ કરશે બિગ બી અને ઇમરાન હાશ્મી
અમિતાભ બચ્ચન અને ઇમરાન હાશ્મી બહુ જલદી એક મિસ્ટરી-થ્રીલરમાં જોવા મળશે. અમિતાભ બચ્ચને છેલ્લે રિવેન્જ-થ્રીલર ‘બદલા’માં કામ કર્યું હતું, જેને દર્શકોએ ખૂબ જ પસંદ કરી હતી. ઇમરાન અને બિગ બી પહેલી વાર સાથે કામ કરવા જઈ રહ્યા છે. આ ફિલ્મને ‘લાઇફ પાર્ટનર’ અને ‘ગૉડ તુસી ગ્રેટ હો’ના ડિરેક્ટર રૂમી જાફરી ડિરેક્ટ કરશે. ‘બાઝાર’, ‘ટોટલ ધમાલ’, ‘સરકાર ૩’ અને ‘પ્યાર કા પંચનામા ૨’ જેવી ફિલ્મોને પ્રોડ્યુસ કરનાર આનંદ પંડિત આ ફિલ્મને પ્રોડ્યુસ કરી રહ્યા છે. આ એક મિસ્ટરી-થ્રીલર છે જેનું શૂટિંગ મેમાં શરૂ કરવામાં આવશે. આ તમામ સાથેનો ફોટો ઇન્સ્ટાગ્રામ પર શૅર કરતાં બિગ બીએ લખ્યું હતું કે ‘ઘણા લાંબા સમયે કરેલું કમિટમેન્ટ હવે આનંદ પંડિતની ફિલ્મ દ્વારા પૂÊરું થઈ રહ્યું છે. આ ફિલ્મમાં મારી સાથે ઇમરાન હાશ્મી પણ જોવા મળશે અને રુમી જાફરી એને ડિરેક્ટ કરશે. ફિલ્મ૨ ૨૦૨૦ની ૨૧ ફેબ્રુઆરીએ રિલીઝ કરવામાં આવશે.’
આ પણ વાંચોઃ સંગીતના જાદુગર જિગર સરૈયાની આવી છે પર્સનલ લાઈફ, જુઓ ફોટોઝ