મુખ્ય પાત્રને બદલે સેકન્ડ રોલ ભજવવો ખરેખર દુ:ખની વાત છે : અભિષેક
અભિષેક બચ્ચન
અભિષેકની છેલ્લી ફિલ્મ ‘મનમર્ઝિયાં’ નિષ્ફળ ગઈ હતી અને એ પહેલાં તે મોટા ભાગની ફિલ્મોમાં સેકન્ડ લીડ રોલમાં જોવા મળ્યો હતો. અભિષેકે તેની બહેન શ્વેતા બચ્ચન સાથે ‘કૉફી વિથ કરણ’માં હાજરી આપી હતી. આ શોમાં કરણ જોહરે તેને પૂછ્યું હતું કે બિગ સ્ટાર પાછળ કામ કરીને કેવું લાગે છે? આ વિશે જવાબ આપતાં અભિષેકે કહ્યું હતું કે ‘એક કલાકાર માટે આ ખરેખર ખૂબ જ દુ:ખની વાત છે કે તે લીડ ઍક્ટર હોય અને ત્યાર બાદ તેણે મોટા સ્ટારની પાછળ કામ કરવું પડે છે. આ ઇન્ડસ્ટ્રી ખૂબ જ નિર્દયી છે. મુખ્ય પાત્રમાંથી હટીને સેકન્ડ લીડ ભજવવું એ દુ:ખની વાત છે, પરંતુ તમારે એ દુ:ખનો પોતાની જાતને પ્રેરિત કરવા ઉપયોગ કરી ફરી પોતાનું સ્થાન મેળવવું જોઈએ.’
અભિષેકે બે વર્ષ માટે ફિલ્મમાંથી બ્રેક લીધો હતો અને ત્યાર બાદ ‘મનમર્ઝિયાં’થી કમબૅક કર્યું હતું. આ બ્રેકથી કોઈ પણ પ્રકારનું પ્રેશર હતું? એ સવાલનો જવાબ આપતાં અભિષેકે કહ્યું હતું કે ‘આ કહેવું થોડું અઘરું છે કરણ. હું નથી માનતો કે જે કંઈ થયું એમાં કોઈ પણ પ્રકારનું મારા પર પ્રેશર હતું. આ તો મારો કામ પ્રત્યેનો દૃષ્ટિકોણ હતો, જે હું માનું છું કે અયોગ્ય હતો. હું ખૂબ જ સંતુષ્ટ અને આરામદાયક અનુભવતો હતો. તમને સાંભળવામાં થોડું વિચિત્ર લાગશે; પરંતુ સાચું કહું તો મેં ઘણીબધી મોટા બજેટવાળી ફિલ્મો, દિગ્ગજ કલાકારો સાથે કામ કર્યું છે. આ તમામ ફિલ્મોનો બિઝનેસ પણ સારો રહ્યો છે.
ADVERTISEMENT
આ પણ વાંચો : મારા મનોબળને વધારવા માટે હું મારા પેરન્ટ્સની આભારી છું : અંકિતા લોખંડે
દરેક વસ્તુ બરાબર ચાલી રહી હતી. મારા પર કોઈ પણ જાતનું પ્રેશર નહોતું, કારણ કે હું તો અન્ય કલાકારની પાછળ હતો જેના પર જ બધું પ્રેશર હતું. આ ફિલ્મો દ્વારા મેં ઘણા પૈસા કમાયા છે અને એ ફિલ્મોએ પણ બિઝનેસ કર્યો છે. આ બધું ખૂબ જ સરળ હતું. જોકે હું આ ઇન્ડસ્ટ્રીમાં કોઈની પાછળ ઊભો રહેવા માટે નથી આવ્યો.’
