ધ કપિલ શર્મા શૉ`ના લેટેસ્ટ એપિસોડમાં ઐતિહાસિક ફિલ્મ `પોનીયિન સેલવાન 1 (PS-1)`ની આખી ટીમ આવશે
ફાઇલ તસવીર
ટીવીના સુપરહિટ કૉમેડી શૉ કપિલ શર્માના લેટેસ્ટ એપિસોડમાં દક્ષિણની ફિલ્મ `પોનીયિન સેલવાન 1`ની આખી સ્ટાર કાસ્ટ જોવા મળશે. મણિરત્નમ દ્વારા નિર્દેશિત, આ ફિલ્મમાં સાઉથ સુરસ્ટાર ચિયાન વિક્રમ, કાર્તિ, ત્રિશા કૃષ્ણન અને ઐશ્વર્યા રાય બચ્ચન મુખ્ય ભૂમિકામાં છે. આ એક મલ્ટી સ્ટારર ફિલ્મ છે, જેના પ્રમોશન માટે તમામ કલાકારો કપિલ શર્માના શોમાં ભાગ લેશે. શૉનો લેટેસ્ટ પ્રોમો પણ રિલીઝ થયો છે, જેમાં કૉમેડી કિંગ કપિલ શર્મા તમામ સ્ટાર્સ સાથે વાતચીત કરતા જોવા મળે છે. આ દરમિયાન કપિલને ખબર પડે છે કે `અનનોન` ફેમ એક્ટર વિક્રમે હાલમાં જ ટ્વિટર પર એકાઉન્ટ બનાવ્યું છે, ત્યારબાદ કપિલ તેને સોશિયલ મીડિયાના ઉપયોગ વિશે ચેતવણી આપવાનું શરૂ કરે છે.
કપિલે વિક્રમને ચેતવણી આપી
ADVERTISEMENT
`ધ કપિલ શર્મા શૉ`ના લેટેસ્ટ એપિસોડમાં ઐતિહાસિક ફિલ્મ `પોનીયિન સેલવાન 1 (PS-1)`ની આખી ટીમ આવશે. કપિલે પૂરા ઉત્સાહ સાથે તમામ સ્ટાર્સનું સ્વાગત કર્યું હતું. તે અભિનેતા વિક્રમને તેની ફિલ્મ વિશે રમુજી પ્રશ્નો પૂછતો જોવા મળે છે. હાસ્યના વિસ્ફોટ વચ્ચે, કપિલે વિક્રમને પૂછ્યું "સર મને હમણાં જ ખબર પડી કે તમે ટ્વિટર પર એક એકાઉન્ટ બનાવ્યું છે, હું તમને કહી દઉં કે આ ટ્વિટર ખૂબ જ ખરાબ વસ્તુ છે, વ્હિસ્કી પછી ટ્વિટર ખૂબ જોખમી છે. આ મારો અંગત અનુભવ છે." કપિલની વાત સાંભળીને તમામ સ્ટાર્સ ખડખડાટ હસી પડ્યા હતા. વિક્રમ પોતે પણ કપિલની આ વાતનો સંદર્ભ સમજી ગયા હતા.
PS-1 30 સપ્ટેમ્બરે રિલીઝ થશે
ફિલ્મ `પોનીયિન સેલવાન 1 (PS-1)` સાઉથની એક મોટી ઐતિહાસિક ફિલ્મ બનવા જઈ રહી છે. બોલિવૂડ અભિનેત્રી ઐશ્વર્યા રાય બચ્ચન પણ પીએસ 1માં ડબલ રોલ કરી રહી છે. તે `રાની મંદાકિની દેવી`ના રોલમાં જોવા મળશે. સાઉથનો સુપરસ્ટાર વિક્રમ પણ મહત્ત્વના રોલમાં છે. `અપર્ચિત` જેવી ફિલ્મથી ફેમસ થયેલા વિક્રમની બોલિવૂડમાં પણ જબરદસ્ત ફેન ફોલોઈંગ છે. અભિનેત્રી ત્રિશા ક્રિષ્નન આ ફિલ્મથી લાંબા સમય બાદ મોટા પડદા પર વાપસી કરી રહી છે. આ ફિલ્મ 30 સપ્ટેમ્બરે સિનેમાઘરોમાં રિલીઝ થવાની છે.