દીપિકાએ ૨૦૧૮માં શોએબ ઇબ્રાહિમ સાથે લગ્ન કર્યાં હતાં
દીપિકા કક્કડ
દીપિકા કક્કડની પ્રેગ્નન્સીની અફવા ઊડતાં તેણે ખૂબ જ મજેદાર જવાબ આપ્યો છે. દીપિકાએ ૨૦૧૮માં શોએબ ઇબ્રાહિમ સાથે લગ્ન કર્યાં હતાં. બન્ને સોશ્યલ મીડિયામાં ખૂબ સક્રિય રહે છે. સોશ્યલ મીડિયામાં એવી અટકળો ચાલી રહી છે કે આ બન્ને ટૂંક સમયમાં પેરન્ટ્સ બનવાનાં છે. તાજેતરમાં જ દીપિકા એક દુકાનનું ઉદ્ઘાટન કરવા પહોંચી હતી. એ દરમ્યાન રિપોર્ટરે તેને સવાલ કર્યો હતો કે શું તે પ્રેગ્નન્ટ છે? એનો જવાબ આપતાં દીપિકાએ કહ્યું હતું કે ‘ખરેખર? મારી લાઇફના ગુડ ન્યુઝ વિશે મને તમારી પાસેથી જાણવા મળે છે.’