Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > મનોરંજન > હૉલીવૂડ સમાચાર > આર્ટિકલ્સ > Spider-Man: Across the Spider-Verse : ફિલ્મમાં જોવા મળશે ઇંડિયન સ્પાઇડર-મૅન

Spider-Man: Across the Spider-Verse : ફિલ્મમાં જોવા મળશે ઇંડિયન સ્પાઇડર-મૅન

02 January, 2023 04:12 PM IST | Mumbai
Gujarati Mid-day Online Correspondent | gmddigital@mid-day.com

ફિલ્મને 2 જૂન 2023 માં દુનિયાભરમાં રિલીઝ કરવામાં આવશે. ફિલ્મના ટ્રેલરમાં 50 કરતાં પણ વધુ સ્પાઇડર-મૅનને રિવિલ કરવામાં આવ્યા છે.

સોની ઑફિશિયલ ઈન્સ્ટાગ્રામ અકાઉન્ટ Spider-Man: Across the Spider-Verse Trailer Out

સોની ઑફિશિયલ ઈન્સ્ટાગ્રામ અકાઉન્ટ


૨૦૧૮માં આવેલી સોનીની ‘સ્પાઇડર-મૅન : ઇનટૂ ધ સ્પાઇડર વર્સ (Spiderman : Into the Spider Verse)’ એનિમેટેડ ફિલ્મે દુનિયામાં પોતાની અનોખી સ્ટાઇલથી દુનિયાભરના સ્પાઇડર-મૅનનાં ફૅન્સને ખુશ કર્યા હતાં. આ ફિલ્મમાં મુખ્ય ‘સ્પાઇડર-મૅન પીટર પાર્કર’ના મૃત્યુ બાદ કેવી રીતે એક 14 વર્ષનો છોકરો ‘માઇલ્સ મૉરાલ્સ (Miles Morales) સ્પાઇડર-મૅન’ બને છે અને શહેરને બચાવે છે તે ફિલ્મની સ્ટોરીમાં દર્શાવામાં આવ્યું હતું. આ ફિલ્મમાં એક કે બે નહીં પણ ૬ સ્પાઇડર-મૅનના અવતારની સ્ટોરી દર્શવામાં આવી હતી. ફિલ્મમાં કેવી રીતે જુદી-જુદી દુનિયા, ભૂતકાળ અને ભવિષ્યથી અલગ-અલગ રંગ, રૂપ અને અવતારના સ્પાઇડર-મૅન એકસાથે મળીને શહેરને ‘કિંગ-પિન, ગ્રીન ગોબલીનથી’ બચાવે છે અને પોતાની દુનિયામાં પાછા જવા માટેના પ્રયત્નો કરે છે તે આ ફિલ્મમાં ખૂબ જ સુંદર રીતે દર્શાવવામાં હતું.

આ ફિલ્મનો બીજો ભાગ સ્પાઇડર-મૅન : અક્રૉસ ધ સ્પાઇડર વર્સ (Spider-Man : Across the Spider-Verse)ના ટ્રેલરને ૬ વર્ષ બાદ લૉન્ચ કરવામાં આવ્યું છે. ફિલ્મને 2 જૂન 2023 માં દુનિયાભરમાં રિલીઝ કરવામાં આવશે. ફિલ્મના ટ્રેલરમાં 50 કરતાં પણ વધુ સ્પાઇડર-મૅનને રિવિલ કરવામાં આવ્યા છે. ફિલ્મના પહેલા ભાગથી ‘ગ્વેન સ્ટેસી સ્પાઇડર-ગર્લ (Spider-Girl)’ માઇલ્સ મૉરાલ્સને મલ્ટીવર્સની દુનિયામાં લઈ આવે છે જ્યાં દરેક સમયના, અને દુનિયાના સ્પાઇડર-મૅન એક સાથે જોવા મળી રહ્યા છે. ટ્રેલર પ્રમાણે ફિલ્મની સ્ટોરી માઇલ્સ મૉરાલ્સના પિતાના મૃત્યુ બાદ આગળ વધારવામાં આવશે. ફિલ્મના ટ્રેલરમાં અનેક સીન ફિલ્મના પહેલાના ભાગના છે જેથી આ ફિલ્મનુ બીજું ટ્રેલર આપણને આ વર્ષે જોવા મળશે એવી આશા છે.



સ્પાઇડર-મૅન : અક્રૉસ ધ સ્પાઇડર વર્સનું ટ્રેલર જ્યારથી લૉન્ચ કરવામાં આવ્યું છે ત્યારથી સ્પાઇડર-મૅનના ફૅન્સ ઇંડિયન વેરિએંટના સ્પાઇડર – મૅનને જોવા ખૂબ જ ઉત્સાહી છે અને ઇંડિયન સ્પાઇડર – મૅનની ચર્ચા કરતાં જોવા મળી રહ્યા છે. ટ્રેલરનું ટોટલ રન-ટાઇમ 2 મિનિટ અને 30 સેકેન્ડ્સનું છે અને ટ્રેલરમાં એક સીનમાં સ્પાઇડર-મૅન ભારતમાં મુંબઈ જેવી એક જગ્યામાં આવે છે અને તે સીનમાં ઇન્ડિયન મ્યૂઝિક અને હિન્દીમાં લખાણ લખેલું જોવા મળે છે. ટ્રેલર લૉન્ચ પહેલા સોની ઈન્ડિયાએ ભારતનો સ્પાઇડર-મૅનનો લૂક કેવો હશે એ લૉન્ચ કર્યું હતું અને ઇંડિયન વેરિએન્ટના સ્પાઇડર – મૅનને પવિત્ર પ્રભાકર (Pavitr Prabhakar)આ નામ આપવામાં આવ્યું છે. ભારતના સ્પાઇડર-મૅનને પોતાની પાવર સ્પાઇડર કરડવાથી નહીં પણ ઋષિ પાસેથી મળે છે જે વર્ષ 2004 માં સ્પાઇડર-મૅન – ઈન્ડિયા (Spider - Man : India) નામની કૉમિકમાં પહેલી વાર જોવા મળ્યો હતો.


 

 
 
 
 
 
View this post on Instagram
 
 
 
 
 
 
 
 
 
 
 

A post shared by Spider-Man (@spiderman)


આ ફિલ્મમાં એક નવા પ્રકારની એનિમેટેડ સ્ટાઇલ વાપરવામાં આવી છે જેને લીધે ફિલ્મમાં દરેક સીન એક જુદો અને આશ્ચર્ય ચકિત કરનારો અનુભવ દર્શકોને આપશે. આ ફિલ્મને ફક્ત સોની પિક્ચર એનિમેશન (Sony Picture Animation) દ્વારા બનાવવામાં આવશે.

(વિરેન છાયા)

Whatsapp-channel Whatsapp-channel

02 January, 2023 04:12 PM IST | Mumbai | Gujarati Mid-day Online Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK