° °

આજનું ઇ-પેપર
Wednesday, 06 July, 2022


ઇન્ડિયન ​રેસ્ટોરાંમાં એક ડિનર માટે ૪૮ લાખ ખર્ચ્યા જૉની ડેપે

08 June, 2022 03:19 PM IST | Mumbai
Gujarati Mid-day Correspondent | feedbackgmd@mid-day.com

હૉલીવુડ ઍક્ટર જૉની ડેપે એક ડિનર માટે ૪૮ લાખ રૂપિયા ખર્ચ કર્યા હોવાની ચર્ચા છે.

ઇન્ડિયન ​રેસ્ટોરાંમાં એક ડિનર માટે ૪૮ લાખ ખર્ચ્યા જૉની ડેપે

ઇન્ડિયન ​રેસ્ટોરાંમાં એક ડિનર માટે ૪૮ લાખ ખર્ચ્યા જૉની ડેપે

હૉલીવુડ ઍક્ટર જૉની ડેપે એક ડિનર માટે ૪૮ લાખ રૂપિયા ખર્ચ કર્યા હોવાની ચર્ચા છે. એક્સ-વાઇફ ઍમ્બર હર્ડ સામેનો કેસ જીતી ગયાના થોડા દિવસ બાદ એક રેસ્ટોરાંમાં તેના ફ્રેન્ડ્સ સાથે જોવા મળ્યો હતો. બર્મિંગહૅમમાં આવેલી વારાણસી રેસ્ટોરાંમાં તે રવિવારે તેના ફ્રેન્ડ્સ સાથે જોવા મળ્યો હતો. તેણે ઑથેન્ટિક ઇન્ડિયન ફૂડ, કૉકટેલ અને રોસ શૅમ્પેનની લિજ્જત માણી હતી. જૉનીએ પાર્ટી આપી હતી એમાં તેનો ફ્રેન્ડ જેફ બેક અને અન્ય ૨૦ જણે હાજરી આપી હતી. જૉની હાલમાં તેના ફ્રેન્ડ જેફની ટૂરમાં જોડાયો છે. તે તેના ઘણા શોમાં પણ સ્ટેજ પર ગિટાર સાથે જોવા મળ્યો હતો. ૨૦,૦૦૦ સ્ક્વેર ફીટની આ રેસ્ટોરાં ખાસ જૉની માટે બંધ કરવામાં આવી હતી જેથી તે પ્રાઇવેટમાં તેના ફ્રેન્ડ્સ સાથે ભોજનની મજા લઈ શકે. આ વિશે વારાણસીના ઑપરેશન ડિરેક્ટર મોહમ્મદ હુસેને કહ્યું હતું કે ‘રવિવારે બપોરે અચાનક અમને ફોન આવ્યો હતો કે જૉની ડેપ અમારી રેસ્ટોરાંમાં આવવા માગે છે. મને શૉક લાગ્યો હતો, પરંતુ પછી થયું કે આ કદાચ મજાક હોઈ શકે. જોકે ત્યાર બાદ તેની સિક્યૉરિટીએ આવીને રેસ્ટોરાંની તપાસ કરી હતી અને ત્યાર બાદ ફાઇનલ થયું હતું. જૉની ડેપને પ્રાઇવસી મળે એ હેતુથી અમે રેસ્ટોરાં અન્ય લોકો માટે બંધ રાખી હતી. તેમણે અમારા સ્ટાફ, ફ્રેન્ડ્સ અને ફૅમિલી સાથે ઘણો સમય પસાર કર્યો હતો અને ફોટો પણ ક્લિક કરાવ્યા હતા. તેઓ ખૂબ જ મોટા સ્ટાર છે અને એમ છતાં તેમણે અમને ખૂબ જ સમય આપ્યો હતો. તેમનું બિલ પાંચ આંકડામાં હતું. શનિવારે અમારા સૌથી વધુ ગ્રાહક હોય છે જે લગભગ ૪૦૦ જેટલા હોય છે. એ તમામ કરતાં અમારો બિઝનેસ જૉની ડેપની એકમાત્ર વિઝિટમાં વધુ થયો હતો. રેસ્ટોરાં કેવી રીતે કામ કરે છે અને CCTV વિશે પણ તેમણે મારી સાથે ચર્ચા કરી હતી.’

08 June, 2022 03:19 PM IST | Mumbai | Gujarati Mid-day Correspondent

અન્ય લેખો

હૉલીવૂડ સમાચાર

જેમ્સ કૅમરુન ‘અવતાર’ની ત્રીજી ફિલ્મ બાદ ફ્રૅન્ચાઇઝી છોડી શકે છે

હૉલીવુડ ફિલ્મમેકર જેમ્સ કૅમરુન હવે ‘અવતાર’ સિરીઝની ત્રીજી ફિલ્મ બાદ ફ્રૅન્ચાઇઝીને છોડી શકે છે.

06 July, 2022 12:00 IST | Mumbai | Gujarati Mid-day Correspondent
હૉલીવૂડ સમાચાર

ઍમ્બર હર્ડ પર ફરી કેસ કરશે જૉની ડેપ?

એક્સ-વાઇફનું કહેવું છે કે તે તેને દિલથી પ્રેમ કરે છે અને તેના વિશે કોઈ ખરાબ ફીલિંગ નથી

17 June, 2022 07:14 IST | Mumbai | Gujarati Mid-day Correspondent
હૉલીવૂડ સમાચાર

‘ઍક્વામૅન’ની સીક્વલમાંથી કાઢવામાં નથી આવી ઍમ્બરને

ઍમ્બર હર્ડને ‘ઍક્વામૅન ઍન્ડ ધ લૉસ્ટ કિંગડમ’માંથી હજી સુધી કાઢવામાં નથી આવી.

16 June, 2022 07:09 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK