ટિપ્સ ગુજરાતીએ આ ગીત રિલીઝ કર્યું છે
‘માં ના રથડા’નું પોસ્ટર
ગુજરાતીઓના પ્રિય તહેવાર નવરાત્રીનું આગમન થવાનું છે. ત્યારે નવરાત્રીના પર્વને ધ્યાનમાં રાખીને ટિપ્સ ગુજરાતીએ એક ગીત રિલીઝ કર્યું છે. ટિપ્સ ગુજરાતીએ દિવ્યા કુમારનું ગીત ‘માં ના રથડા’ રિલીઝ કર્યું છે
અહીં સાંભળો ગીત ‘માં ના રથડા’ :
ADVERTISEMENT
‘માં ના રથડા’ના રિલીઝ પ્રસંગે ગાયક દિવ્યા કામરે કહ્યું હતું કે, ‘આ એક આનંદિત, લેઝિમ બીટ્સના ફ્યુઝન સાથેનું ગરબા ગીત છે જે મારી મિત્ર પ્રિયા સરૈયાએ સુંદર રીતે લખ્યું છે. પ્રિયા અને મેં નવરાત્રિ દરમિયાન ગુજરાતમાં દસથી વધુ વર્ષોથી પરફોર્મ કર્યું છે. તેથી આ તહેવાર મારા હૃદયની ખૂબ જ નજીક છે અને દર વર્ષે હું ગરબા ગીતો ગાઈને માતાજીના આશીર્વાદ લેવા માંગું છું’.
ગીત વિશે તેમણે વધુમાં કહ્યું હતું કે, ‘મેં લોકડાઉન દરમિયાન ‘માં ના રથડા’ કંપોઝ કર્યું હતું અને મને ખુશી છે કે તે ટિપ્સ ગુજરાતી યુટ્યુબ ચેનલના પ્લેટફોર્મ પર રિલીઝ થયું છે. ટીપ્સ સાથે ગીતો કરવામાં મને હંમેશા આનંદ થયો છે’.
આ ગીતનું મ્યુઝિક દિવ્યા કુમારનું છે અને બોલ પ્રિયા સરૈયાના છે.