વિકી કૌશલ અને સારા ની ‘ઝરા હટકે ઝરા બચકે’એ કર્યો આટલો બિઝનેસ
વિકી કૌશલ અને સારા અલી ખાન
વિકી કૌશલ અને સારા અલી ખાનની ‘ઝરા હટકે ઝરા બચકે’એ સાત દિવસમાં ૩૭.૩૫ કરોડ રૂપિયાનો બિઝનેસ કર્યો છે. આ ફિલ્મને લક્ષ્મણ ઉતેકર દ્વારા ડિરેક્ટ કરવામાં આવી છે. આ ફિલ્મને પહેલા દિવસે સારું ઓપનિંગ મળ્યું હતું. જોકે વીક-એન્ડ બાદ એ ધીમે-ધીમે ઓછું થતું ગયું હતું. આ ફિલ્મે શુક્રવારે ૫.૪૯ કરોડ, શનિવારે ૭.૨૦ કરોડ, રવિવારે ૯.૯૦ કરોડ, સોમવારે ૪.૧૪ કરોડ, મંગળવારે ૩.૮૭ કરોડ, બુધવારે ૩.૫૧ કરોડ અને ગુરુવારે ૩.૨૪ કરોડની સાથે ટોટલ ૩૭.૩૫ કરોડ રૂપિયાનો બિઝનેસ કર્યો છે. આ શુક્રવારે કોઈ મેજર ફિલ્મ રિલીઝ નથી થઈ એથી વિકી અને સારાની ફિલ્મને વધુ એક વીક-એન્ડ મળી શકે છે. જોકે આવતા શુક્રવારે એટલે કે સોળમી જૂને ‘આદિપુરુષ’ રિલીઝ થઈ રહી છે. ત્યાર બાદ આ ફિલ્મ બૉક્સ-ઑફિસ પર નહીં ટકી શકે.
