ચંડીગઢ જિલ્લા અદાલતે કથિત છેતરપિંડીની ફરિયાદના કેસમાં સલમાન ખાન, અલવીરા ખાન અગ્નિહોત્રી, બીઇંગ હ્યુમન ફાઉન્ડેશન અને અન્યને નોટિસ ફટકારી છે. તમામ પક્ષકારોને ૫ ઑક્ટોબરે અદાલતમાં હાજર રહેવાનો આદેશ અપાયો છે.
સલમાન ખાન
સલમાન ખાન માટે સમસ્યા સર્જાઈ ગઈ છે. ચંડીગઢ જિલ્લા અદાલતે સલમાન ખાન, તેની બહેન અલવીરા ખાન અગ્નિહોત્રી, બીઇંગ હ્યુમન ફાઉન્ડેશન અને સ્ટાઇલ ક્વૉશન્ટ જ્વેલરી પ્રાઇવેટ લિમિટેડના ડિરેક્ટર્સને નોટિસ ફટકારી છે. આ કાર્યવાહી ફરિયાદી અરુણ ગુપ્તાએ કરેલી કથિત છેતરપિંડીની ફરિયાદના કેસમાં કરવામાં આવી છે. કોર્ટે જણાવ્યું હતું કે ફરિયાદીએ ફરિયાદ દાખલ કરી હોવાથી ભારતીય ન્યાય સુરક્ષા સંહિતાની કલમ ૨૨૩ હેઠળ આ નોટિસ મોકલવામાં આવી રહી છે. કોર્ટે તમામ પક્ષોને પાંચમી ઑક્ટોબરે સવારે ૧૦ વાગ્યે વ્યક્તિગત રીતે અથવા પોતાના વકીલ મારફતે અદાલતમાં હાજર રહેવાનો આદેશ આપ્યો છે.
