હાલમાં જાહેર કરવામાં આવેલી આ યાદીમાં એવાં ૩૩ વ્યક્તિત્વોને માન આપવામાં આવ્યું છે જેઓ આજના સમયની ગંભીર સમસ્યાનો સામનો કરીને નવા ઉકેલ આપી રહ્યાં છે
પ્રિયંકા ચોપડા, આલિયા ભટ્ટ
નૅશનલ જ્યૉગ્રાફિકે પોતાની પ્રતિષ્ઠિત ‘નૅશનલ જિયોગ્રાફિક 33 - 2026’નું લિસ્ટ જાહેર કર્યું છે જેમાં વિશ્વભરના એવા ચેન્જમેકર્સને સ્થાન આપવામાં આવ્યું છે જે સમાજમાં મહત્ત્વપૂર્ણ બદલાવ લાવી રહ્યા છે. આ યાદીમાં ભારત તરફથી આલિયા ભટ્ટ અને પ્રિયંકા ચોપડાનો સમાવેશ થયો છે. હાલમાં જાહેર કરવામાં આવેલી આ યાદીમાં એવાં ૩૩ વ્યક્તિત્વોને માન આપવામાં આવ્યું છે જેઓ આજના સમયની ગંભીર સમસ્યાનો સામનો કરીને નવા ઉકેલ આપી રહ્યાં છે.
આલિયા ભટ્ટને કેમ મળ્યું સ્થાન?
ADVERTISEMENT
આલિયા ભટ્ટને પર્યાવરણ અને ક્લાઇમેટ વિશે જાગૃતિ ફેલાવવા બદલ સન્માનિત કરવામાં આવી છે. તેણે પોતાની પ્રોડક્શન-કંપની ‘ઇટર્નલ સનશાઇન’ દ્વારા પર્યાવરણ આધારિત પ્રોજેક્ટ્સને પ્રોત્સાહન આપ્યું છે. એ ઉપરાંત તેના બાળકો માટેના પુસ્તક ઍનિમલ અડૉપ્શન વિશે જાગૃતિ લાવે છે. તેની કંપનીની એક ખાસ પહેલ ફૅશન રીસેલ દ્વારા પર્યાવરણને મદદ કરે છે અને ચૅરિટી માટે ફન્ડ એકત્રિત કરે છે. સાથે જ તેનું ‘કો-એક્ઝિસ્ટ’ પ્લૅટફૉર્મ ઍનિમલ રાઇટ્સ માટે કામ કરતી સંસ્થાઓને સપોર્ટ કરે છે.
પ્રિયંકા ચોપડાનું યોગદાન
પ્રિયંકા ચોપડાને હેલ્થકૅર અવેરનેસ, ખાસ કરીને ડાયાબિટીઝ વિશે જાગૃતિ ફેલાવવા માટે આ યાદીમાં સ્થાન મળ્યું છે. તે ‘બિયૉન્ડ ટાઇપ 1’ નામની નૉન-પ્રૉફિટ સંસ્થા સાથે જોડાયેલી છે અને ભારતમાં આ બીમારી વિશે લોકોમાં યોગ્ય માહિતી પહોંચાડવામાં મહત્ત્વપૂર્ણ ભૂમિકા ભજવી રહી છે. તેણે લોકોને સમજાવ્યું છે કે ટાઇપ 1 ડાયાબિટીઝ સાથે પણ સામાન્ય અને સફળ જીવન જીવવું શક્ય છે.
