તૃપ્તિને કદી મળ્યો પણ નથી : મુકેશ ભટ્ટ

‘આશિકી 3’માં તે લીડ રોલમાં હોવાની અફવાને તેણે ફગાવી દીધી

તૃપ્તિ ડિમરી, મુકેશ ભટ્ટે

‘આશિકી 3’ને લઈને છાશવારે કોઈને કોઈ અફવા ઊડતી રહે છે. આ ફિલ્મમાં કાર્તિક આર્યન નક્કી છે. હવે તેની સાથે આશિકી કોણ કરશે એને લઈને અનેક ઍક્ટ્રેસિસનાં નામ પર ચર્ચા ચાલતી રહે છે. આ ફિલ્મને મુકેશ ભટ્ટ પ્રોડ્યુસ અને અનુરાગ બાસુ ડિરેક્ટ કરશે. ફિલ્મમાં તૃપ્તિ ડિમરીને લેવામાં આવી છે એ અફવા પર રોષે ભરાતાં મુકેશ ભટ્ટે કહ્યું કે ‘રબિશ! આ તદ્દન ખોટું છે. મેં પહેલેથી જ ચોખવટ કરી રાખી છે કે જ્યાં સુધી સ્ક્રિપ્ટ તૈયાર નહીં થાય અને મ્યુઝિક નહીં બને ત્યાં સુધી કોઈને કાસ્ટ કરવામાં નહીં આવે. જોકે દરેક અમારી આ પૉપ્યુલર ફ્રૅન્ચાઇઝીને લઈને નામ કમાવા માગે છે. આ અસ્વીકાર્ય છે. હું તો એ લેડીને મળ્યો પણ નથી. માત્ર કાર્તિક આર્યનનું નામ જ ફાઇનલ થયું છે. કાર્તિક અને ફિલ્મનું મ્યુઝિક ‘આશિકી 3’ના સ્ટાર છે. એથી જ્યારે મ્યુઝિક બની જશે ત્યારે આગળનું કામ કરવામાં આવશે.’