ટેલિવિઝન સિરિયલમાં કામ કર્યા બાદ તેણે મરાઠી ફિલ્મમાં પણ કામ કર્યું હતું
મૃણાલ ઠાકુર
મૃણાલ ઠાકુરે જણાવ્યું કે જ્યારે તેણે સાઉથની ફિલ્મ કરવાનું નક્કી કર્યું તો લોકો કહેતા હતા કે આ તેના માટે ઍસિડ ટેસ્ટ જેવું છે. ટેલિવિઝન સિરિયલમાં કામ કર્યા બાદ તેણે મરાઠી ફિલ્મમાં પણ કામ કર્યું હતું. બાદમાં તેણે ‘સુપર 30’, ‘બાટલા હાઉસ’, ‘ધમાકા, ‘જર્સી’ અને ‘સેલ્ફી’ સહિત અનેક હિન્દી ફિલ્મોમાં કામ કર્યું છે. બાદમાં તેણે ૨૦૨૨માં આવેલી સાઉથની ‘સીતા રામમ’ અને ‘હાય નન્ના’માં કામ કર્યું છે. સાઉથની ફિલ્મોમાં કામ કરવાનો તેણે જ્યારે ફેiસલો લીધો તો લોકો શું કહેતા હતા એ વિશે મૃણાલ ઠાકુરે કહ્યું કે ‘કરીઅરના આ પડાવ પર સાઉથની ફિલ્મમાં કામ શું કામ કરે છે? એક લેખમાં તો લખવામાં આવ્યું હતું કે આ મૃણાલ માટે ઍસિડ ટેસ્ટ રહેવાની છે. જોકે મેં એક વર્ષમાં પાંચ ફિલ્મો કરવાનું નક્કી નથી કર્યું. જો સ્ટોરી સારી હશે તો હું અચૂક એમાં કામ કરીશ. હું ખરેખર મારા મનનું સાંભળું છું અને હું નીડર છું.’
