તે ઇન્ટરનૅશનલ ફિલ્મ ફેસ્ટિવલ ઑફ ઇન્ડિયામાં ‘જર્ની ઍઝ ઍન ઍક્ટર’ વિષય પર પોતાના વિચાર જણાવી રહ્યો હતો
નવાઝુદ્દીન સિદ્દીકી
નવાઝુદ્દીન સિદ્દીકીએ જણાવ્યું કે સર્વાઇવલ માટે હું નાના રોલ કરતો હતો. તે ઇન્ટરનૅશનલ ફિલ્મ ફેસ્ટિવલ ઑફ ઇન્ડિયામાં ‘જર્ની ઍઝ ઍન ઍક્ટર’ વિષય પર પોતાના વિચાર જણાવી રહ્યો હતો. તેની આગામી ફિલ્મ ‘હડ્ડી’માં તેણે ટ્રાન્સજેન્ડર સાથે કામ કર્યું છે. નાના રોલ કરવા વિશે નવાઝુદ્દીને કહ્યું કે ‘મને નાના રોલ ઑફર કરવામાં આવતા હતા એથી જીવવા માટે મેં એને સ્વીકાર્યા હતા. મારી પાસે બીજો કોઈ પર્યાય નહોતો. હું કદી નિરાશ નહોતો થયો. કપરો સમય તમને સ્ટ્રૉન્ગ બનાવે છે. જો તમે ઝીરોથી શરૂઆત કરો તો તમારે શીખેલી બધી વસ્તુઓ ભૂલવી પડે.’
ફિલ્મોની સાથે જ નવાઝુદ્દીને વેબ-સિરીઝમાં પણ કામ કર્યું છે. વિડિયો સ્ટ્રીમિંગ સર્વિસ નેટફ્લિક્સની ‘સેક્રેડ ગેમ્સ’માં પણ તેણે કામ કર્યું હતું અને એ ખૂબ હિટ હતી. તેણે જણાવ્યું કે શરૂઆતમાં હું ડિજિટલ પ્લૅટફૉર્મ પર વેબ-સિરીઝમાં કામ કરતાં અચકાતો હતો. ઍક્ટિંગ વિશેના પોતાના પ્રેમ વિશે નવાઝુદ્દીને કહ્યું કે ‘ઍક્ટિંગ મારો શોખ છે અને હું એનાથી કંટાળતો નથી. ઍક્ટિંગ મારું સર્વસ્વ છે, એ મારી લાઇફ છે. ઍક્ટિંગની તરસ છિપાવવા માટે તો મને એક જીવન પણ ઓછું પડે એમ છે.’
