સાબુની ઍલર્જીને કારણે બધી વીંટી કાઢી નાખી એકતાએ

સાબુની ઍલર્જીને કારણે બધી વીંટી કાઢી નાખી એકતાએ

એકતા કપૂર

વારંવાર સાબુ અને સૅનિટાઇઝરને કારણે એકતા કપૂરે તેના હાથની તમામ વીંટી કાઢી નાખી છે. તે ઍસ્ટ્રોલૉજીમાં ખૂબ જ વિશ્વાસ કરે છે અને એથી તે હાથમાં ઘણીબધી વીંટીઓ અને બ્રેસલેટ સાથે જોવા મળે છે. જોકે કોરોનાવાઇરસને કારણે સાબુ અને સૅનિટાઇઝરનો ઉપયોગ વધુ થઈ રહ્યો હોવાથી એકતાને હાથમાં ઍલર્જી થઈ ગઈ છે. બધી રિન્ગ કાઢીને તેણે ઇન્સ્ટાગ્રામ પર એક વિડિયો શૅર કર્યો છે. આ વિડિયો શૅર કરીને એકતાએ લખ્યું હતું કે ‘આ દરમ્યાન એક બીજા ન્યુઝ છે. થાનોસે તેનું બિલ્ડિંગ છોડી દીધું છે. તેણે દુનિયાનો ઘણો સત્યાનાશ કરી નાખ્યો છે. મસ્તી કરી રહી છું. મારા હાથ હવે ફ્રી થઈ ગયા છે.’

આ વિશે હિના ખાને કમેન્ટ કરી હતી કે યે કૈસૈ હુઆ. તેને જવાબ આપતાં એકતાએ કહ્યું હતું કે ‘સાબુ અને સૅનિટાઇઝરના વધુપડતા ઉપયોગને કારણે ઍલર્જી થઈ છે. બ્રેક બાદ ફરી પહેરીશ.’

ADVERTISEMENT

એક યુઝરે પૂછ્યું હતું કે તેણે કેટલાં વર્ષ બાદ રિન્ગ કાઢી છે તો એકતાએ કહ્યું હતું કે ૨૦૦૩માં પહેરવાની શરૂ કરી હતી.