સોનચિડિયામાં દેશનું પ્રતિબિંબ જોવા મળશે : ભૂમિ પેડણેકર
ભૂમિ પેડણેકર
‘સોનચિડિયા’ ફિલ્મનું ટ્રેલર હાલમાં જ રિલીઝ કરવામાં આવ્યું છે, જેને દર્શકોએ ખૂબ જ પસંદ કર્યું છે. આ ફિલ્મના ટ્રેલરને જોયા બાદ એવું પણ કહેવામાં આવી રહ્યું છે કે ‘બૅન્ડિટ ક્વીન’ બાદ ડાકુ પર કોઈ સારી ફિલ્મ બની હોય તો એ આ હોઈ શકે. આ ફિલ્મમાં સુશાંત સિંહ રાજપૂતની સાથે ભૂમિ પેડણેકર, મનોજ બાજપાઈ અને આશુતોષ રાણા જેવા ઘણા સારા-સારા ઍક્ટર્સને પસંદ કરવામાં આવ્યા છે. આ વિશે વધુ જણાવતાં ભૂમિએ કહ્યું હતું કે ‘આ ફિલ્મને લઈને ખૂબ જ વધુ એક્સપેક્ટેશન રાખવામાં આવી રહ્યાં છે. ભારતના સૌથી બેસ્ટ ડિરેક્ટરમાંના એક અભિષેક ચૌબેએ ખૂબ જ અદ્ભુત ટીમ સાથે મળીને આ ફિલ્મ બનાવી છે. આ ફિલ્મની સ્ટોરી ખૂબ જ સુંદર છે અને એમાં કોઈ પણ વ્યક્તિના જીવનમાં સોસાયટી કેવો ભાગ ભજવે છે અને એના પર કેવી રીતે વિજય મેળવવો એ વિશે વાત કરવામાં આવી હોવાથી આ ફિલ્મ પસંદ કરવી મારા માટે વધુ સરળ બની ગયું હતું.
આ પણ વાંચો : 'ઉરી' માટે આદિત્ય ઘરે 6 મહિના સુધી કર્યું હતું રિસર્ચ
ADVERTISEMENT
આપણા દેશમાં શું થઈ રહ્યું છે એનું પ્રતિબિંબ આ ફિલ્મમાં જોવા મળશે. આ એક હાર્ડ-હિટિંગ ફિલ્મ છે, પરંતુ એ સાથે જ ખૂબ જ મહત્વની પણ છે. આ ફિલ્મમાં ઘણા સારા-સારા ઍક્ટર્સના પર્ફોર્મન્સ જોવા મળશે. મને આ ફિલ્મ પર ખૂબ જ ગર્વ છે અને ખુશી છે કે મેં એમાં કામ કર્યું.’
