આ ફિલ્મને વિક્રમ ભટ્ટની દીકરી ક્રિષ્ના ભટ્ટ ડિરેક્ટ કરવાની છે
તસવીર સૌજન્ય : સોશ્યલ મીડિયા
ફિલ્મમેકર વિક્રમ ભટ્ટની ‘1920 : હૉરર્સ ઑફ ધ હાર્ટ’માં અવિકા ગોર દેખાવાની છે. આ ફિલ્મને વિક્રમ ભટ્ટની દીકરી ક્રિષ્ના ભટ્ટ ડિરેક્ટ કરવાની છે. ૨૦૦૮માં આવેલી ‘1920’ની આ સીક્વલ છે. એ ફિલ્મમાં રજનીશ દુગ્ગલ અને અદા શર્મા લીડ રોલમાં હતાં અને એ ફિલ્મ વિક્રમ ભટ્ટે ડિરેક્ટ કરી હતી. હવે એની ફ્રૅન્ચાઇઝીને આગળ વધારવામાં આવી રહી છે. આ ફિલ્મની સ્ટોરી મહેશ ભટ્ટે લખી છે. આ ફિલ્મની જાહેરાત કરતાં મહેશ ભટ્ટ, અવિકા અને ક્રિષ્ના સાથેનો ફોટો ઇન્સ્ટાગ્રામ પર શૅર કરીને વિક્રમ ભટ્ટે કૅપ્શન આપી હતી, ‘મારી લાઇફનું નવું ચૅપ્ટર ‘1920’ દ્વારા શરૂ થયું હતું. હવે ‘1920’ની જ નવી સ્ટોરી સાથે હિન્દી ફિલ્મોમાં પોતાના કરીઅરની શરૂઆત અતિશય ટૅલન્ટેડ અવિકા ગોર કરશે અને ક્રિષ્ના ભટ્ટ એને ડિરેક્ટ કરશે. ‘1920 ઃ હૉરર્સ ઑફ ધ હાર્ટ’ મારા ગુરુ મહેશ ભટ્ટે લખી છે. આ વખતે હું ફિલ્મનો પ્રોડ્યુસર છું અને ઊભરતી ટૅલન્ટને હું પ્રોત્સાહન આપીશ.’
