ખતિજા અને રિયાસદીનની સગાઈ ડિસેમ્બર 2021માં થઈ હતી
તસવીર સૌજન્ય/એઆર રહેમાનનું ટ્વિટર એકાઉન્ટ
એઆર રહેમાને ફેમિલી ફોટો શેર કરીને દીકરીના લગ્નના સમાચાર આપ્યા છે. ફોટામાં નવવિવાહિત યુગલ ખતિજા અને રિયાસદીન સોફા પર બેઠા છે જ્યારે તેમના પિતા એઆર રહેમાન, માતા સાયરા બાનુ, ભાઈ એઆર અમીન અને મોટી બહેન રહીમા રહેમાન તેમની પાછળ ઊભા છે. સાથે જ રહેમાનની માતાની તસવીર પણ તેની સાથે રાખવામાં આવી છે.
લગ્ન પર પુત્રીને અભિનંદન અને આશીર્વાદ આપતા એઆર રહેમાને લખ્યું કે “ભગવાન આ દંપતીને આશીર્વાદ આપે. આપ સૌને અભિનંદન અને પ્રેમ માટે અગાઉથી આભાર.” ચાહકો અને સેલેબ્સ પણ ખતિજા અને તેના પતિને અભિનંદન આપી રહ્યા છે. એક યુઝરે લખ્યું “વાહ, તમને બંનેને અભિનંદન.” બીજાએ લખ્યું “સમગ્ર પરિવારને શુભેચ્છાઓ.”
ADVERTISEMENT
View this post on Instagram
ખતિજા અને રિયાસદીનની સગાઈ ડિસેમ્બર 2021માં થઈ હતી. ખાતિજાએ ખુદ ઈન્સ્ટાગ્રામ પર આ સમાચાર આપ્યા હતા. વેડિંગ આઉટફિટની વાત કરીએ તો ખતિજાએ ક્રીમ કલરમાં સુંદર ફ્લોરલ પ્રિન્ટ સૂટ-સલવાર પહેર્યો હતો. તે જ સમયે તેનો પતિ રિયાસદ્દીન રિયાન ક્રીમ કલરની મેચિંગ શેરવાનીમાં જોવા મળ્યો હતો. રિયાસદ્દીન રિયાનના પ્રોફેશન વિશે વાત કરીએ તો તે સાઉન્ડ એન્જિનિયર છે. તે લાંબા સમયથી એઆર રહેમાન સાથે કામ કરી રહ્યો છે.
