શાહરુખ ખાન તેની ‘જવાન’માં ટાલિયા લુકમાં પણ જોવા મળી રહ્યો છે. એ લુકને તે તેની આળસનું પરિણામ જણાવે છે. આ ફિલ્મ સાત સપ્ટેમ્બરે રિલીઝ થઈ છે. ફિલ્મ લોકોને ખૂબ પસંદ પડી રહી છે.
શાહરુખ ખાન
શાહરુખ ખાન તેની ‘જવાન’માં ટાલિયા લુકમાં પણ જોવા મળી રહ્યો છે. એ લુકને તે તેની આળસનું પરિણામ જણાવે છે. આ ફિલ્મ સાત સપ્ટેમ્બરે રિલીઝ થઈ છે. ફિલ્મ લોકોને ખૂબ પસંદ પડી રહી છે. ફિલ્મ બૉક્સ-ઑફિસ પર રેકૉર્ડ બનાવી રહી છે. આ ફિલ્મને સાઉથના એટલીએ ડિરેક્ટ કરી છે. ફિલ્મમાં ટાલિયો લુક વિશે શાહરુખે કહ્યું કે ‘મારો ટાલિયો લુક સ્ક્રિપ્ટનો ભાગ નહોતો. મારે તો એનો ગેટ-અપ કરવાનો હતો. એથી મારી આળસને કારણે રિયલમાં હું ટાલિયો થયો હતો. મેં જણાવ્યું કે મારે બે કલાક મેકઅપમાં નથી વેડફવા. તો શું હું ટાલિયો થઈ શકુ છું? આવી રીતે એ લુક આવ્યો હતો. મેં એનો પ્રોમો મારા કેટલાક ફ્રેન્ડ્સને દેખાડ્યો હતો અને તેમણે જણાવ્યું કે ‘અરે યાર! આ ખૂબ ડરામણું લાગે છે, છોકરીઓને તુ પસંદ નહીં પડે.’ આશા છે કે યુવતીઓને હું ગમું છું. મને બાલ્ડ યુવતીઓ પણ ગમે છે.’
‘જવાન’નો આઠ પાનાંનો ડાયલૉગ શાહરુખ એક ટેકમાં બોલી ગયો હતો
શાહરુખ ખાનની બ્લૉકબસ્ટર ફિલ્મ ‘જવાન’માં મેટ્રો ટ્રેનમાં તે જે ડાયલૉગ બોલે છે એ આઠ પાનાંનો છે અને એક ટેકમાં એને શાહરુખે શૂટ કર્યો હતો. આ વાત ફિલ્મમાં તેની ગર્લ ગૅન્ગની એક ઍક્ટ્રેસ સંજિતા ભટ્ટાચાર્યએ કહી છે. ઍટલીએ ડિરેક્ટ કરેલી આ ફિલ્મમાં નયનતારા, દીપિકા પાદુકોણ, સાન્યા મલ્હોત્રા, પ્રિયામણિ, ગિરીજા ઓક, લહેર ખાન, આલિયા કુરેશી, રિદ્ધિ ડોગરા અને વિજય સેતુપતિ જોવા મળી રહ્યાં છે. સાત સપ્ટેમ્બરે આ ફિલ્મ હિન્દી, તામિલ અને તેલુગુમાં રિલીઝ થઈ છે. મેટ્રો ટ્રેનમાં બોલેલા શાહરુખના ડાયલૉગ વિશે સંજિતા ભટ્ટાચાર્યએ કહ્યું કે ‘પહેલી વખત મેં શાહરુખ સરને આઠ પાનાંનો મૉનોલૉગ ડાયલૉગ એક શ્વાસે બોલતા જોયા હતા. પાણીની જેમ સડસડાટ તેઓ બોલી ગયા. ભાગ્યે જ રીટેક થયો હતો. એક જ ટેક થયો હતો અને બાકીનું તો વેરિએશન માટે હતું. લોકોને પણ એ વાતની ખુશી હતી કે તેઓ એ જ મેટ્રોના કોચમાં છે જેમાં શાહરુખ સર હતા.’
