Share Market: મામૂલી ઘટાડા સાથે ખુલ્યું શૅર માર્કેટ, સેન્સેક્સ 51700ની નીચે

આજે સપ્તાહના ચોથા કારોબારી દિવસે શૅર બજાર લાલ નિશાનમાં ખુલ્યું છે. બૉમ્બે સ્ટૉક એક્સચેન્જના પ્રમુખ ઈન્ડેક્સ સેન્સેક્સ 12.92 અંકના ઘટાડા સાથે 51,690.91ના સ્તર પર ખુલ્યું છે. તેમ જ નેશનલ સ્ટૉક એક્સચેન્જના નિફ્ટી 2.20 અંક તૂટીને 15,206.70ના સ્તર પર ખુલ્યું છે.

કાલે BSEના 30 શૅરો પર આધારિત સેન્સેક્સ ઈન્ડેક્સ 400.34 અંકના ઘટાડા સાથે 51,703.83ના સ્તર પર બંધ થયું હતું. બીજી તરફ નિફ્ટી 104.60 અંક તૂટીને 15,208.90 અંકના સ્તર પર બંધ થયું. પીએસયૂ બેન્કના શૅરોમાં ભારે ખરીદી હોવા છતાં બુધવારે શૅર બજાર ઘટ્યું હતું.

આજે શરૂઆતના કારોબારમાં પ્રમુખ શૅરોમાં અલ્ટ્રાટેક સિમેન્ટ, પાવરગ્રિડ, નેસ્લે ઈન્ડિયા, એલએન્ડટી, એચડીએફસી, ડૉ રેડ્ડીઝ, એમએન્ડએમ, બજાજ ફાઈનાન્સ લાલ નિશાનમાં ખુલ્યા. તેમ જ એસબીઆઈ, ઈન્ડસઈન્ડ બેન્ક, ટેક મહિન્દ્રા, ઓએનજીસી, એશિયન પેન્ટ્સ, ઈન્ફોસિસ, રિલાયન્સ, એનટીપીસી, મારૂતિ, એચડીએફસી બેન્ક, ટાઈટનની શરૂઆત વધારા સાથે થઈ છે. સેક્ટોરિયલ ઈન્ડેક્સમાં આજે આઈટી સિવાય તમામ સેક્ટર્સની શરૂઆત વધારા સાથે થઈ છે. એમાં મીડિયા, પીએસયૂ બેન્ક, રિયલ્ટી, બેન્ક, ફાર્મા, ફાઈનાન્સ સર્વિસિઝ, ઑટો, એફએમસીજી, મેટલ અને પ્રાઈવેટ બેન્ક સામેલ છે.

છેલ્લા કારોબારી દિવસે સેન્સેક્સ 157.41 અંકના ઘટાડા સાથે 51946.76ના સ્તર પર ખુલ્યું હતું. તેમ જ નિફ્ટી 43.40 અંકના ઘટાડા સાથે 15270.10ના સ્તર પર ખુલ્યું હતું. કાલે આ દરમિયાન વૈશ્વિક તેલ સ્ટાન્ડર્ડ બ્રેન્ટ ક્રૂડનો ભાવ 0.58 ટકાના વધાકા સાથે 63.71 ડૉલર પ્રતિ બેરલ પર પહોંચી ગયો છે. કાલે ડૉલરની મજબૂતી થવા પર અને ભારતીય શૅર બજારમાં નુકસાન વચ્ચે રૂપિયો પાંચ પૈસાના ઘટાડા સાથે પ્રતિ ડૉલર 72.74ના સ્તર પર બંધ થયું. અંતમાં ભારતીય મુદ્રા પાંચ પૈસા ઘટીને પ્રતિ ડૉલર 72.74 પર સ્થિર રહ્યું. મંગળવારે ડૉલર-રૂપિયા બજાર 72.69 પર બંધ થયો હતો.