પુરુષોની ૨૮ ટકાની સરખામણીમાં ૬૩ ટકા મહિલાઓ સમાધાન કરવા તૈયાર
પ્રતીકાત્મક તસવીર (સૌજન્ય આઇસ્ટૉક)
અનૌપચારિક વર્ક ફોર્સમાં મહિલા પ્રતિનિધિઓની માનસિકતામાં વધતી જતી મહત્ત્વાકાંક્ષામાં પરિવર્તન આવી રહ્યું છે, કારણ કે એક સર્વેક્ષણ મુજબ, મહિલાઓની નોંધપાત્ર ટકાવારીએ જણાવ્યું હતું કે તેઓ હેલ્થ બેનિફિટ માટે ઊંચા પગાર સાથે સમાધાન કરવા તૈયાર છે. બિઝનેસ સર્વિસ પ્રોવાઇડર ક્વેસ કૉર્પના સર્વેક્ષણ મુજબ, ભારતીય અનૌપચારિક અર્થતંત્રમાં ૬૩ ટકા મહિલાઓ સ્વાસ્થ્ય સુરક્ષા લાભ માટે પગારમાં સમાધાન કરશે, જ્યારે પુરુષો માત્ર ૨૮ ટકા જ સમાધાન કરવા તૈયાર છે. રિપોર્ટ માટે સપ્ટેમ્બર ૨૦૨૨ અને જાન્યુઆરી ૨૦૨૩ વચ્ચે ૪૧૭૯ ઉત્તરદાતાઓનો સર્વે કરવામાં આવ્યો હતો. મહિલા કર્મચારીઓના વધતા પ્રમાણ માટે, નોકરીની સુરક્ષા, તાલીમ અને કારકિર્દી વિકાસ તેમની પગાર-સ્લિપની સામગ્રીની બહાર પણ સંપૂર્ણ પ્રાથમિકતા બની રહી છે, એમ તેણે જણાવ્યું હતું. ભારતીય કંપનીઓએ મહિલાઓની બહેતર રોજગારી માટે તાલીમ અને કૌશલ્ય વિકાસમાં રોકાણ કરવું જોઈએ, તેમને રોજગારની તકો શોધવામાં મદદ કરવી જોઈએ અને માત્ર પગારની વિચારણાના વિરોધમાં સામાજિક સુરક્ષા લાભ ઑફર કરવા જોઈએ એમ વર્ક ફોર્સ મૅનેજમેન્ટ, ક્યુસ કૉર્પ લિમિટેડના પ્રમુખ લોહિત ભાટિયાએ જણાવ્યું હતું.
