એમઆરએફ ટાયર્સ (MRF)ના શેર ઘણા સમયથી નર્વસ નાઈન્ટીઝનો શિકાર બની ગયા હતા, પરંતુ હવે તે આજે આ લેવલને પાર કરી ગયો છે. એમઆરએફ (MRF Crosses 1 Lakh Mark)નો શેર આજે BSE પર 1.37 ટકા વધીને રૂા. 100,૪00 થયો હતો
ફાઇલ તસવીર
શેરબજારની લાંબા સમયની રાહનો આજે અંત આવ્યો છે. ટાયર બનાવતી કંપની એમઆરએફ ટાયર્સ (MRF)ના શેર ઘણા સમયથી નર્વસ નાઈન્ટીઝનો શિકાર બની ગયા હતા, પરંતુ હવે તે આજે આ લેવલને પાર કરી ગયો છે. એમઆરએફ (MRF Crosses 1 Lakh Mark)નો શેર આજે BSE પર 1.37 ટકા વધીને રૂા. 100,૪00 થયો હતો. આ પછી કિંમતમાં થોડો ઘટાડો પણ થયો હતો. આ સમાચાર લખાય છે ત્યારે 1.05 ટકાની મજબૂતાઈ સાથે રૂા. 99976.05 પર ટ્રેડ થઈ રહ્યો છે. જોકે, તે સતત એક લાખ રૂપિયા ઉપર અને નીચે જઈ રહ્યો છે. આ પહેલા પણ MRF મે મહિનામાં રૂા. 1 લાખનું સ્તર વટાવી ગયો હતો. જોકે, આ ઉછાળો ફ્યુચર્સ સેગમેન્ટમાં જોવા મળ્યો હતો.
MRFના શેર એક વર્ષમાં 52% વધ્યા
ADVERTISEMENT
MRFના શેર ગયા વર્ષે 17 જૂન, 2022ના રોજ રૂા. 65,900.05ની એક વર્ષની નીચી સપાટીએ હતા. આ પછી શેરની ખરીદીમાં વધારો થયો અને એક વર્ષમાં તે 52 ટકા વધુ મજબૂત બન્યો અને 13 જૂન, 2023ના રોજ એટલે કે આજે 1,00,૪00 રૂપિયાના રેકોર્ડ ઉચ્ચ સ્તરે પહોંચ્યો છે. એમઆરએફના શેર ઘણી વખત 99 હજારની સપાટીને વટાવી ચૂક્યા હતા, પરંતુ એક લાખ રૂપિયાના સ્તરને ક્યારેય પાર કરી શક્યા નથી અને આ પ્રયાસમાં આજે તે સફળ થયો છે.
MRFની રસપ્રદ માહિતી
MRF એક ટાયર બનાવતી કંપની છે જે 1946માં કેએમ મેમેન દ્વારા શરૂ કરવામાં આવી હતી. કંપનીની વેબસાઈટ પરની વિગતો અનુસાર, તેણે મદ્રાસમાં રમકડાના બલૂન મેન્યુફેક્ચરિંગ યુનિટ તરીકે પોતાનો બિઝનેસ શરૂ કર્યો હતો. MRF એ 2007માં પ્રથમ વખત $100 મિલિયનનું ટર્નઓવર હાંસલ કર્યું હતું અને આગામી એક વર્ષમાં $100 મિલિયન વધ્યો હતો, એટલે કે 2011માં $200 મિલિયનનું ટર્નઓવર હાંસલ કર્યું હતું.
2013માં તેનું એરો મસલ ફાઇટર એરક્રાફ્ટ - સુખોઇ 30MKI માટે પસંદ કરાયેલું પ્રથમ ભારતીય ટાયર બન્યું હતું. કંપનીની નાણાકીય સ્થિતિ વિશે વાત કરીએ તો તે જાન્યુઆરી-માર્ચ 2023માં ત્રિમાસિક ધોરણે તેનો ચોખ્ખો નફો રૂા. 169.22 કરોડથી વધીને રૂા. 410.66 કરોડ અને આવક રૂા. 5,534.92 કરોડથી વધીને રૂા. 5,725.39 કરોડ થઈ ગઈ છે.
હજાર રૂપિયાથી લાખ રૂપિયા સુધીની મુસાફરી
વર્ષ 2000માં એમઆરએફના શેર પર નજર કરીએ તો શેરની કિંમત પ્રતિ શેર એક હજાર રૂપિયા હતી. 2012માં તે 10,000 રૂપિયા સુધી પહોંચી ગયો હતો. આ પછી 2014માં આ શેર 25,000 રૂપિયા સુધી પહોંચી ગયો. ત્યારબાદ 2016માં તે 50,000 રૂપિયા સુધી પહોંચી ગયો. 2018માં 75,000 અને હવે એક લાખનો આંકડો વટાવી ગયો છે. 27 એપ્રિલ, 1993ના રોજ, એમઆરએફના એક શેરની કિંમત રૂા.11 હતી.
આ પણ વાંચો: બસ્સો પૉઇન્ટની રેન્જમાં અથડાઈ શૅરબજાર સાધારણ સુધર્યું, માર્કેટનો અન્ડર કરન્ટ...
આ શેર આટલો મોંઘો કેમ છે?
MRF સ્ટોક આટલો મોંઘો કેમ છે? આવો પ્રશ્ન તમારા મનમાં આવ્યો જ હશે. તેની પાછળનું સૌથી મોટું અને મહત્ત્વનું કારણ કંપનીના શેરનું વિભાજન ન કરવાનું છે. એન્જલ વનના જણાવ્યા અનુસાર, MRF એ 1975થી તેના શેર ક્યારેય વિભાજિત કર્યા નથી. અગાઉ, MRFએ 1970માં 1:2 અને 1975માં 3:10ના રેશિયોમાં બોનસ શેર જાહેર કર્યા હતા.
