° °

આજનું ઇ-પેપર
Wednesday, 26 January, 2022


રૂના ઊંચા ભાવને પગલે નિકાસ પર પ્રતિબંધ મૂકવા મિલોની માગણી

11 January, 2022 04:13 PM IST | Mumbai | Gujarati Mid-day Correspondent

તિરુપુર એક્સપોર્ટર્સ અસોસિએશને સરકારને પત્ર લખીને રજૂઆત કરી

પ્રતીકાત્મક તસવીર

પ્રતીકાત્મક તસવીર

રૂ અને કૉટન યાર્નના અસાધારણ ભાવવધારાને ધ્યાનમાં રાખીને તિરુપુર એક્સપોર્ટર્સ અસોસિએશને (TEA) રૂની નિકાસ પર પ્રતિબંધ મૂકવ માટે માગણી કરી છે. તેમણે એક પત્રમાં જણાવ્યું હતું કે ભારત સરકારે રૂની નિકાસ પર પ્રતિબંધ મૂકવો જોઈએ. આ ઉદ્યોગ દ્વારા અગાઉ રૂની ૧૧ ટકા આયાત ડ્યુટી દૂર કરવા માટે પણ રજૂઆત કરવામાં આવી હતી. હાલમાં વિશ્વ બજારની તુલનાએ ભારતીય રૂના ભાવ ઊંચા છે.
અસોસિએશનના પ્રમુખ રાજા એમ. શનમુગમે જણાવ્યું હતું કે ‘ભારતમાંથી રૂ અને કૉટન યાર્નની નિકાસમાં થયેલો વધારો અમારા સ્પર્ધકોને ફાયદો પહોંચાડી રહ્યો છે. ગૂંથણકામનાં વસ્ત્રોની નિકાસમાં ભારતનો હિસ્સો માત્ર ૪ ટકા છે, જ્યારે ચીનનો ૩૯ ટકા, વિયેતનામનો ૧૩ ટકા અને બંગલાદેશનો હિસ્સો ૧૪ ટકા છે. સરકારે રૂની નિકાસ પર પ્રતિબંધ મૂકવો જોઈએ જેથી સ્થાનિક ઉદ્યોગો આંતરરાષ્ટ્રીય બજારમાં સ્પર્ધા કરી શકે અને ભારતને મૂલ્યવર્ધનનો લાભ મળી શકે. જો જરૂરી હોય તો ટેકાના ભાવ વધારીને કે વધુ ખરીદી કરીને ખેડૂતોના હિતનું રક્ષણ કરી શકે છે.’
આ મુદ્દો સરકાર સમક્ષ પણ ઉઠાવવામાં આવ્યો છે. કાપડ ઉદ્યોગના પ્રતિનિધિઓએ કાપડ પ્રધાન પીયૂષ ગોયલને એક મેમોરેન્ડમ સુપરત કરીને સરકારના હસ્તક્ષેપની વિનંતી કરી છે. ત્યાર બાદ, ટેક્સટાઇલ સેક્રેટરી ઉપેન્દ્ર પ્રસાદ સિંહે વર્ચ્યુઅલ મીટિંગ કરી અને ઉદ્યોગના પ્રતિનિધિઓ સાથે ચર્ચા કરી. શનમુગમ કહે છે કે ઉદ્યોગની સમસ્યાઓ સરકારી અધિકારીઓને સમજાવવામાં આવી છે અને સિંહે પ્રશ્નનો ઝડપથી ઉકેલ લાવવાની ખાતરી પણ આપી છે.

11 January, 2022 04:13 PM IST | Mumbai | Gujarati Mid-day Correspondent

અન્ય લેખો

શેરબજાર ખૂલતાની સાથે જ ગબડી પડ્યું, સેન્સેક્સ 1000 પોઈન્ટથી વધુ તૂટ્યો

બાદમાં બજારની સ્થિતિમાં થોડો સુધારો જોવા મળ્યો હતો.

25 January, 2022 01:31 IST | Mumbai | Gujarati Mid-day Online Correspondent

News In Short: સ્વિગી બની ગઈ ડેકાકૉર્ન : ભેગું કર્યું ૭૦૦ મિલ્યન ડૉલરનું ભંડોળ

આમ આ કંપની હવે ડેકાકૉર્ન (જેનું મૂલ્ય ૧૦ અબજ ડૉલરથી વધારે હોય એવી કંપની) બની ગઈ છે. 

25 January, 2022 12:33 IST | Mumbai | Gujarati Mid-day Correspondent

ફેડરલ રિઝર્વની આગામી બેઠકે બન્ને માર્કેટમાં અજંપો વધાર્યો

ટેલિગ્રામના સ્થાપકે ક્રિપ્ટો પર પ્રતિબંધના રશિયાના પ્રસ્તાવનો વિરોધ કર્યો : આઇસી૧૫ ઇન્ડેક્સમાં ૮.૬ ટકા કરતાં વધુનો ઘટાડો

25 January, 2022 12:18 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK