Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > બિઝનેસ સમાચાર > ૨૦૦૦ની નૉટબંધીની ઇકૉનૉમી પર નજીવી અસર : શક્તિકાંત દાસ

૨૦૦૦ની નૉટબંધીની ઇકૉનૉમી પર નજીવી અસર : શક્તિકાંત દાસ

23 May, 2023 01:04 PM IST | Mumbai
Gujarati Mid-day Correspondent | feedbackgmd@mid-day.com

કુલ ચલણમાં આ નોટનો હિસ્સો માત્ર ૧૦.૮ ટકા, આર્થિક પ્રવૃત્તિને અસર નહીં થાય

રિઝર્વ બૅન્કના ગવર્નર શક્તિકાંત દાસ

રિઝર્વ બૅન્કના ગવર્નર શક્તિકાંત દાસ


રિઝર્વ બૅન્કના ગવર્નર શક્તિકાંત દાસે જણાવ્યું હતું કે ૨૦૦૦ રૂપિયાની ચલણી નોટો પાછી ખેંચી લેવાની અસર અર્થતંત્ર પર ‘ખૂબ જ નજીવી’ હશે, કારણ કે એ ચલણમાં માત્ર ૧૦.૮ ટકા હિસ્સો ધરાવે છે. રિઝર્વ બૅન્કના ચલણ વ્યવસ્થાપન કામગીરીના ભાગરૂપે ઉપાડની કવાયતનું વર્ણન કરતાં તેમણે કહ્યું કે તેમને અપેક્ષા છે કે ઉપાડેલી ૨૦૦૦ રૂપિયાની મોટા ભાગની નોટો ૩૦ સપ્ટેમ્બરની અંતિમ તારીખ સુધીમાં તિજોરીમાં પાછી આવી જશે. દાસે કહ્યું કે અર્થતંત્ર પર આની અસર ખૂબ જ નજીવી હશે, કારણ કે એ ચલણમાં ચલણના માત્ર ૧૦.૮ ટકા છે. જેમ તમે જાણો છો કે ૨૦૦૦ રૂપિયાની નોટ સામાન્ય રીતે કોઈ પણ વ્યવહારમાં ઉપયોગમાં લેવાતી નહોતી. અમને જાણવા મળ્યું છે કે એનો ઉપયોગ વ્યવહારો કરવા માટે ભાગ્યે જ થતો હતો. એથી આર્થિક પ્રવૃત્તિને અસર થશે નહીં.

ક્લીન નોટ પૉલિસીના ભાગરૂપે તેમણે જણાવ્યું હતું કે આરબીઆઇ સમયાંતરે ચલણી નોટો પાછી ખેંચવાની આવી કવાયત હાથ ધરે છે અને આવી કવાયત ૨૦૧૩-’૧૪માં હાથ ધરવામાં આવી હતી, જેમાં ૨૦૦૫ પહેલાં છાપવામાં આવેલી નોટોને લોકો પાસેથી પાછી ખેંચી લેવામાં આવી હતી. તેમણે કહ્યું કે ૨૦૦૦ રૂપિયાની નોટો પાછી ખેંચવી એ સ્વચ્છ નોટ નીતિનો એક ભાગ છે અને એ કાનૂની ટેન્ડર તરીકે ચાલુ રહે છે. 



આ પણ વાંચો : PM રૂ. 2000ની નોટના પક્ષમાં નહોતાઃ પીએમ મોદીના પૂર્વ મુખ્ય સચિવનો ખુલાસો


રૂપિયામાં ડૉલર સામે ૧૮ પૈસાનો ઘટાડો જોવા મળ્યો

રૂપિયો ફેબ્રુઆરી ૨૦૨૩ બાદની સૌથી નીચી સપાટીએ બંધ થયો


અમેરિકન ડૉલરમાં મજબૂતાઈને પગલે ભારતીય રૂપિયો ડૉલર સામે ૧૮ પૈસા સપ્તાહની શરૂઆતે નબળો પડ્યો હતો. જોકે શૅરબજારમાં મજબૂતાઈ અને ક્રૂડ તેલના ઘટતા ભાવથી રૂપિયામાં મર્યાદિત ઘટાડો જોવા મળ્યો હતો.

ભારતીય રૂપિયો ડૉલર સામે સોમવારે ૮૨.૮૦ની સપાટી પર ખૂલ્યો હતો અને દિવસ દરમ્યાન ૮૨.૮૫ સુધી પહોંચીને દિવસના અંતે ૮૨.૮૦ પર બંધ રહ્યો હતો, જે આગલા બંધ કરતાં ૧૮ પૈસા ઘટાડો બતાવે છે. શુક્રવારે રૂપિયો ૮૨.૬૭ પર બંધ રહ્યો હતો.

ડૉલર ઇન્ડેક્સ વિશ્વની મુખ્ય છ દેશોની કરન્સી સામે ૦.૦૮ ટકા ઘટીને ૧૦૩.૧૦ પર પહોંચ્યો હતો. ક્રૂડ તેલ ૦.૧૬ ટકા ઘટીને ૭૫.૪૬ ડૉલર પ્રતિ બેરલ હતું. રૂપિયામાં પણ ડૉલર સામે ફેબ્રુઆરી ૨૦૨૩ બાદની સૌથી નીચી સપાટી જોવા મળી હતી.

Whatsapp-channel Whatsapp-channel

23 May, 2023 01:04 PM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK