૧૪ મહિનામાં સૌથી ઝડપી વૃદ્ધિ, ચાલુ નાણાકીય વર્ષમાં બીજી વખત બે લાખ કરોડ રૂપિયાનો આંકડો પાર થયો
પ્રતીકાત્મક તસવીર
દેશમાં ગુડ્સ ઍન્ડ સર્વિસિસ ટૅક્સ (GST)ના ગ્રૉસ કલેક્શનમાં જુલાઈ મહિનામાં વાર્ષિક ધોરણે ૧૫.૪ ટકાનો તગડો ઉછાળો નોંધાયો છે. જુલાઈમાં કુલ GST કલેક્શન ૨.૧૧ લાખ કરોડ રૂપિયા પર પહોંચી ગયું છે જે છેલ્લા ૧૪ મહિનામાં સૌથી ઝડપી વૃદ્ધિદર દર્શાવે છે. ચાલુ નાણાકીય વર્ષ ૨૦૨૬-’૨૭માં આ બીજી વખત છે જ્યારે માસિક કલેક્શન બે લાખ કરોડ રૂપિયાના આંકડાને પાર કરી ગયું હોય.
ઇમ્પોર્ટ પરના GST કલેક્શનમાં ૨૮.૮ ટકાનો મોટો ઉછાળો આવતાં એ ૬૬,૫૧૧ કરોડ રૂપિયા નોંધાયું છે, જ્યારે સ્થાનિક GST આવક ૧૦.૧ ટકા વધીને ૧.૪૫ લાખ કરોડ રૂપિયા થઈ છે જે દેશના અર્થતંત્ર અને ગ્રાહકોની મજબૂત માગણીનો સંકેત આપે છે. આ અગાઉ ચાલુ નાણાકીય વર્ષના પ્રથમ મહિના એપ્રિલમાં રેકૉર્ડ ૨.૪૩ લાખ કરોડ રૂપિયાનું કલેક્શન થયું હતું.
ADVERTISEMENT
રીફન્ડ બાદ કર્યા પછી જુલાઈ મહિનામાં નેટ GST આવક ૧૫.૮ ટકા વધીને ૧.૮૧ લાખ કરોડ રૂપિયા રહી છે, જ્યારે એપ્રિલથી જુલાઈ સુધીના પ્રથમ ૪ મહિનામાં ગ્રોસ GST કલેક્શન ૧૦.૧ ટકાના વધારા સાથે ૮.૪૩ લાખ કરોડ રૂપિયા પર પહોંચી ગયું છે.
