Elon Musk`s Starlink to be introduced in India: સ્ટારલિંક (Starlink) હવે ભારતમાં સેટેલાઇટ દ્વારા ઇન્ટરનેટ પણ પૂરું પાડશે. એલન મસ્કની કંપની સ્ટારલિંકને સરકાર તરફથી જરૂરી લાઇસન્સ મળી ગયું છે. ટેલિકોમ્યુનિકેશન વિભાગે સ્ટારલિંકને GMPCS લાઇસન્સ આપ્યું છે.
ઈલૉન મસ્ક અને PM નરેન્દ્ર મોદી ફાઇલ તસવીર (સૌજન્ય: મિડ-ડે)
સ્ટારલિંક (Starlink) હવે ભારતમાં સેટેલાઇટ દ્વારા ઇન્ટરનેટ પણ પૂરું પાડશે. ઈલૉન મસ્કની કંપની સ્ટારલિંકને સરકાર તરફથી જરૂરી લાઇસન્સ મળી ગયું છે. ટેલિકોમ્યુનિકેશન વિભાગ (DoT) એ સ્ટારલિંકને ગ્લોબલ મોબાઇલ પર્સનલ કૉમ્યુનિકેશન બાય સેટેલાઇટ (GMPCS) લાઇસન્સ આપ્યું છે. આ લાઇસન્સ સાથે, સ્ટારલિંક ભારતમાં સેટેલાઇટ ઇન્ટરનેટ સેવા શરૂ કરી શકશે. એરટેલ-યુટેલસેટના વનવેબ અને રિલાયન્સ જિયો પછી સ્ટારલિંક આ લાઇસન્સ મેળવનારી ત્રીજી કંપની છે. સંદેશાવ્યવહાર મંત્રી જ્યોતિરાદિત્ય સિંધિયાએ કહ્યું કે હવે સ્પેક્ટ્રમ ફાળવવામાં આવશે. આ પછી, મોટા પાયે સેવાઓ શરૂ કરી શકાય છે. તેમનું કહેવું છે કે આનાથી ભારતમાં ગ્રાહકોની સંખ્યામાં વધારો થશે.
સ્ટારલિંક 2021 થી ભારતીય બજારમાં પ્રવેશવા માગતી હતી. પરંતુ, કેટલાક નિયમોને કારણે, કંપનીએ તેના પ્રયાસો પહેલા જ બંધ કરવા પડ્યા. ઉપરાંત, પ્રી-ઓર્ડરના પૈસા પણ પરત કરવા પડ્યા. હવે ફરીથી કંપની ભારતમાં સેટેલાઇટ ઇન્ટરનેટ સેવા શરૂ કરવાનો પ્રયાસ કરી રહી છે. એમેઝોનનો પ્રોજેક્ટ કુઇપર (Kuiper) પણ લાઇસન્સની રાહ જોઈ રહ્યો છે.
ADVERTISEMENT
દૂરના વિસ્તારો સુધી ઇન્ટરનેટ સેવાઓ પહોંચશે
સ્ટારલિંક સ્પેસએક્સનો (SpaceX) નવો પ્રયાસ છે. તે સેટેલાઇટ દ્વારા ઇન્ટરનેટ પૂરું પાડવાનું કામ કરે છે. તેનો ધ્યેય લોકોને વધુ સારો ઇન્ટરનેટ અનુભવ પૂરો પાડવાનો છે. આ ઘણા ઉપગ્રહોને નીચા પૃથ્વી ભ્રમણકક્ષા (LEO) માં મૂકીને કરવામાં આવે છે. આ ઉપગ્રહો સામાન્ય ઉપગ્રહો કરતાં પૃથ્વીની નજીક છે. તેથી, ઇન્ટરનેટની સ્પીડ વધારે આપે છે અને ડેટા ઝડપથી પહોંચે છે. આ ટેકનૉલોજી ભારતના દૂરના વિસ્તારો માટે ખૂબ જ મહત્ત્વપૂર્ણ છે જ્યાં ઇન્ટરનેટ સુવિધા નથી. સ્ટારલિંકનો હેતુ એવા વિસ્તારોમાં ઝડપી ઇન્ટરનેટ પૂરું પાડવાનો છે જ્યાં ઇન્ટરનેટ હજી સુધી પહોંચ્યું નથી.
કેટલી સ્પીડ, તેનો ખર્ચ કેટલો થશે?
સ્ટારલિંકની સ્પીડ વિશે વાત કરીએ તો, તેનો ઉપયોગ કરતા લોકોને સામાન્ય રીતે 25 થી 220 Mbps સુધીની ડાઉનલોડ સ્પીડ મળે છે. મોટાભાગના લોકોને 100 Mbps થી વધુ સ્પીડ મળે છે. ભારતમાં સ્ટારલિંકની કિંમત વિશે વાત કરીએ તો અહેવાલ અનુસાર, સ્ટારલિંક ભારતમાં એક ખાસ ઑફર સાથે શરૂઆત કરવા જઈ રહી છે. આમાં, અનલિમિટેડ ડેટા પ્લાન દર મહિને માત્ર $10 (લગભગ 857 રૂપિયા) થી ઓછા ભાવે ઉપલબ્ધ થશે. આ શરૂઆતની કિંમત SpaceX ને બજારમાં ઝડપથી સ્થાન બનાવવામાં મદદ કરશે. એરટેલ-યુટેલસેટના વનવેબ અને રિલાયન્સ જિયો પછી સ્ટારલિંક આ લાઇસન્સ મેળવનારી ત્રીજી કંપની છે. સંદેશાવ્યવહાર મંત્રી જ્યોતિરાદિત્ય સિંધિયાએ કહ્યું કે હવે સ્પેક્ટ્રમ ફાળવવામાં આવશે. આ પછી, મોટા પાયે સેવાઓ શરૂ કરી શકાય છે. તેમનું કહેવું છે કે આનાથી ભારતમાં ગ્રાહકોની સંખ્યામાં વધારો થશે.
