આ સંસ્થાઓ રોકાણકારોને સિક્યૉરિટીઝ માર્કેટ ટિપ્સ અથવા શૅરબજારમાં રોકાણ પર ખાતરીપૂર્વક/ગૅરન્ટીકૃત વળતર પ્રદાન કરી રહી છે
બૉમ્બે સ્ટૉક એક્સચેન્જની પ્રતીકાત્મક તસવીર
રિચર્સ ઍનલિસ્ટના રજિસ્ટ્રેશન વિના રોકાણ/ટ્રેડિંગની ભલામણો કરવાની ગેરકાયદે પ્રવૃત્તિઓમાં વ્યસ્ત હોવાનું કહેવાતી ટેલિગ્રામ ચૅનલ પરની વધુ પાંચ સંસ્થાઓની એક યાદી બૉમ્બે સ્ટૉક એક્સચેન્જ (BSE) દ્વારા બહાર પાડવામાં આવી છે. આ સંસ્થાઓ રોકાણકારોને સિક્યૉરિટીઝ માર્કેટ ટિપ્સ અથવા શૅરબજારમાં રોકાણ પર ખાતરીપૂર્વક/ગૅરન્ટીકૃત વળતર પ્રદાન કરી રહી છે અથવા રોકાણકારોને તેમનો લૉગ-ઇન આઇડી/પાસવર્ડ શૅર કરવાનું કહીને તેમના ટ્રેડિંગ-અકાઉન્ટ્સ હૅન્ડલ કરવાની ઑફર કરી રહી છે.
આ પાંચ હસ્તીઓમાં વિજય વેલ્થ ઍૅડ્વાઇઝર, બાદશાહ બ્રોકિંગ, બાદશાહ બ્રોકિંગ બાદશાહ, પંકજ ભારદ્વાજ વેટુલાભ ટીએમ અને પંકજ ભારદ્વાજ વેટુલાભનો સમાવેશ થાય છે. આ વ્યક્તિઓ/હસ્તીઓ BSE લિમિટેડના કોઈ પણ રજિસ્ટર્ડ સભ્ય નથી કે નથી રજિસ્ટર્ડ મેમ્બરની અધિકૃત વ્યક્તિ.
ADVERTISEMENT
આ ઉપરાંત BSEએ જાહેર કર્યું છે કે એલિગન્ટ ફ્લોરિકલ્ચર ઍન્ડ ઍગ્રોટેક ઇન્ડિયા લિમિટેડ (સ્ક્રિપ કોડ 526473) સંબંધિત અવાંચ્છનીય સંદેશાઓ ફરી રહ્યા છે એની જાળમાં રોકાણકારો ન લપેટાય. રોકાણકારોને સોશ્યલ મીડિયા પ્લૅટફૉર્મ જેમ કે યુટ્યુબ, ટેલિગ્રામ ચૅનલો, વૉટ્સઍપ ચૅનલો, ઇન્સ્ટાગ્રામ, ઍક્સ વગેરે દ્વારા સિક્યૉરિટીઝ માર્કેટમાં ટ્રેડિંગ કરવાથી ઊંચા/ખાતરીપૂર્વકના વળતરના દાવાઓમાં ફસાઈ જવા સામે પણ ચેતવણી આપવામાં આવી છે.
