યુએસ ઓપનમાં સેરેના વિલિયમ્સની આગેકૂચ

Published: Sep 07, 2020, 16:01 IST | IANS | Washington

પહેલો સેટ હારી ગયા બાદ ઘણી શાંત રહીને ગેમ પર ફોકસ કર્યું હતું.

સેરેના વિલિયમ્સ
સેરેના વિલિયમ્સ

યુએસ ઓપન મહિલા એકલ વર્ગમાં સેરેના વિલિયમ્સે ૨૦૧૭ની વિનર રહી ચૂકેલી સ્લોન સ્ટીફન્સને ત્રીજા રાઉન્ડમાં હરાવીને અંતિમ ૧૬માં જગ્યા બનાવી લીધી છે. આવતા રાઉન્ડમાં તેનો મુકાબલો ગ્રીસની મારિયા સક્કારી સામે થશે. એક કલાક ૪૩ મિનિટ ચાલેલી ગેમમાં સેરેનાએ સ્ટીફન્સને ૨-૬, ૬-૨, ૬-૨થી માત આપી હતી. પહેલો સેટ હારી ગયા બાદ સેરેનાએ ગેમમાં કમબૅક કર્યું હતું. મૅચ જીત્યા બાદ ખુશખુશાલ થયેલી સેરેનાએ કહ્યું કે ‘હું એટલું જ કહીશ કે આ એક જબરદસ્ત મૅચ હતી. અમારા બન્ને વચ્ચે હંમેશાં સારો જંગ જામે છે અને એમાંથી અમે અમારું બેસ્ટ કાઢવાનો પ્રયાસ કરીએ છીએ. પહેલો સેટ હારી ગયા બાદ ઘણી શાંત રહીને ગેમ પર ફોકસ કર્યું હતું. હું જાણું છું કે મારા માટે આ ઘણું મહત્ત્વનું છે. મારું સંપૂર્ણ લક્ષ્ય યુએસ ઓપનમાં જ છે અને એના સિવાય હું બીજું કશું નથી વિચારી રહી.’
સામા પક્ષે પુરુષ એકલ વર્ગના અંતિમ ૧૬માં ડોમિનિક થીમે મરીન સિલિકને હરાવીને આગેકૂચ કરી હતી. તેનો મુકાબલો હવે કૅનેડાના ૨૦ વર્ષના ટેનિસ પ્લેયર ફેલિક્સ ઑગર ઍલિયાસિમ સાથે થશે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK