ભારતે રચ્યો ઇતિહાસ, 71 વર્ષમાં પહેલીવાર ઓસ્ટ્રેલિયામાં જીતી ટેસ્ટ સીરીઝ
ભારતે 2-1થી ઓસ્ટ્રેલિયાને ટેસ્ટ સીરીઝમાં હરાવ્યું.
ભારત અને ઓસ્ટ્રેલિયા વચ્ચે સિડનીમાં રમવામાં આવેલી ચોથી ટેસ્ટ મેચ ભલે ડ્રૉ થઈ ગઈ. આ મેચમાં યજમાનને ખરાબ રોશની અને વરસાદે હારથી બચાવી લીધા, પરંતુ કાંગારૂઓ ભારતીય ટીમને આ વખતે ઇતિહાસ રચવામાંથી ન રોકી શક્યા. સિડનીની ટેસ્ટ મેચ ડ્રૉ થવા છતાંપણ ભારતે ચાર ટેસ્ટ મેચની આ સીરીઝને 2-1થી પોતાના નામે કરી લીધી. આ જીતની સાથે જ 71 વર્ષથી ઓસ્ટ્રેલિયામાં ટેસ્ટ સીરીઝમાં જીત મેળવવાની રાહનો પણ અંત આવ્યો. આ પહેલો મોકો છે જ્યારે કોઈ ભારતીય ટીમે કાંગારૂઓને હરાવીને તેમની જ ધરતી પર ટેસ્ટ સીરીઝ જીતી હોય.
ભારતે રચ્યો ઇતિહાસ
ADVERTISEMENT
ભારતીય ટીમે આ ટેસ્ટ સીરીઝને જીત્યા પછી 71 વર્ષની રાહનો અંત આણ્યો છે અને સાથે જ ટીમ ઇન્ડિયા ઓસ્ટ્રેલિયાને તેના જ ઘરમાં સીરીઝ હરાવનારી પહેલી એશિયન ટીમ પણ બની ગઈ છે. આ પહેલા ઓસ્ટ્રેલિયાને તેના ઘરમાં ફક્ત ચાર જ દેશો સીરીઝમાં મ્હાત કરી શક્યા છે. એ ચાર દેશો છે ઇંગ્લેન્ડ, વેસ્ટ ઇંડીઝ, ન્યુઝીલેન્ડ અને દક્ષિણ આફ્રિકા.
ભારતે આ રીતે જીતી સીરીઝ
ભારત અને ઓસ્ટ્રેલિયા વચ્ચે આ સીરીઝની પહેલી ટેસ્ટ એડિલેડમાં રમવામાં આવી હતી. આ મેચ ભારતે 31 રનથી જીતી. બીજી ટેસ્ટ મેચ પર્થમાં રમવામાં આવી અને આ મેચમાં ઓસ્ટ્રેલિયાએ ભારતને હરાવીને સીરીઝને 1-1ની બરાબરી પર મૂકી દીધી. ત્યારબાદ મેલબર્નમાં બોક્સિંગ ડે ટેસ્ટ મેચ રમવામાં આવી. આ ત્રીજી મેચમાં કોહલીની વિરાટ સેનાએ પોતાના શ્રેષ્ઠતમ પ્રદર્શનથી કાંગારૂઓને મ્હાત આપીને સીરીઝમાં 2-1ની લીડ મેળવી લીધી. આ સીરીઝની ચોથી અને છેલ્લી ટેસ્ટ મેચ સિડનીમાં શરૂ થઈ. આ મેચમાં પણ ભારતીય ટીમે ઉમદા પ્રદર્શન કરીને કાંગારૂઓ પર સકંજો કસી દીધો હતો, પરંતુ ખરાબ રોશની અને વરસાદે કાંગારૂઓને 3-1થી શરમમાં મૂકાતા બચાવી લીધા અને સીરીઝનો અંત 2-1ની સ્કોરલાઈન સાથે થયો.
