ગૌતમ ગંભીરે દાન કર્યા એક કરોડ રૂપિયા
ઇન્ડિયન ક્રિકેટ ટીમના ભૂતપૂર્વ પ્લેયર અને સંસદસભ્ય ગૌતમ ગંભીરે કોરોના વાઇરસ સામેની લડતમાં મદદરૂપ થવા પોતાના એમપી લોકલ એરિયા ડેવલપમેન્ટ અકાઉન્ટમાંથી એક કરોડ રૂપિયાનું દાન કર્યું છે.
આ સંદર્ભે જાણકારી આપતાં ગૌતમે કહ્યું કે ‘આ એ સમય છે જ્યારે આપણે દેશના રિસોર્સનો ઉપયોગ કોરોના સામેની લડાઈમાં કરવાનો છે. લોકોના ઇલાજમાં મદદ મળી રહે એ માટે મેં મારા પીએમ લોકલ એરિયા ડેવલપમેન્ટ અકાઉન્ટમાંથી એક કરોડ રૂપિયા રિલીઝ કર્યા છે. આ ઉપરાંત મેં સેન્ટ્રલ રિલીફ ફન્ડમાં મારો એક મહિનાનો પગાર પણ ડોનેટ કર્યો છે. આપણે બધા સાથે છીએ.’
ADVERTISEMENT
થોડા દિવસ અગાઉ પણ ગૌતમ ગંભીર ફાઉન્ડેનશને ગરીબ અને જરૂરિયાતમંદોને મદદ કરવાના ભાગરૂપે ફૂડ-પૅકેટ ડોનેટ કર્યા હતા. ખેલપ્રધાન કિરેન રિજીજુએ પણ પીએમ લોકલ એરિયા ડેવલપમેન્ટ અકાઉન્ટમાંથી એક કરોડ રૂપિયાનું દાન કર્યું છે.
