Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > અન્ય સ્પોર્ટ્સ > આર્ટિકલ્સ > અલ્ટીમેટ ફાઇટિંગ ચૅમ્પિયનશિપમાં વિજય નોંધાવનાર પ્રથમ ભારતીય બની પૂજા તોમર

અલ્ટીમેટ ફાઇટિંગ ચૅમ્પિયનશિપમાં વિજય નોંધાવનાર પ્રથમ ભારતીય બની પૂજા તોમર

10 June, 2024 12:00 PM IST | New Delhi
Gujarati Mid-day Correspondent | feedbackgmd@mid-day.com

પૂજાએ અમેરિકાના કેન્ટકીમાં બ્રાઝિલની રેયાન ડોસ સાન્તોસ સામે ૩૦-૨૭, ૨૭-૩૦, ૨૯-૨૮ના સ્કોર સાથે વિજય મેળવ્યો હતો

પૂજા તોમર

પૂજા તોમર


૩૦ વર્ષની પૂજા તોમર અલ્ટીમેટ ફાઇટિંગ ચૅમ્પિયનશિપ (UFC)માં વિજય નોંધાવનાર ભારતની પ્રથમ મિક્સ્ડ માર્શલ આર્ટ (MMA) ફાઇટર બની છે. ડેબ્યુ મૅચમાં ‘સાઇક્લોન’ તરીકે જાણીતી પૂજાએ અમેરિકાના કેન્ટકીમાં બ્રાઝિલની રેયાન ડોસ સાન્તોસ સામે ૩૦-૨૭, ૨૭-૩૦, ૨૯-૨૮ના સ્કોર સાથે વિજય મેળવ્યો હતો.

પૂજાએ ગયા વર્ષે ઑક્ટોબરમાં UFC સાથે કરાર કર્યો હતો અને આ રીતે મિક્સ્ડ માર્શલ આર્ટની સૌથી મોટી સ્પર્ધાઓમાં ભાગ લેનારી ભારતની પ્રથમ મહિલા બની હતી. અંશુલ જ્યુબિલી અને ભરત કંડારે UFCમાં ભારતનું પ્રતિનિધિત્વ કર્યું છે. જોકે તેઓ ડેબ્યુ મૅચ જીતી શક્યા નહોતા.



ઉત્તર પ્રદેશના મુઝફ્ફરનગરના બુઢાણા ગામમાં જન્મેલી પૂજા પાંચ વખતની નૅશનલ વુશુ ચૅમ્પિયન છે અને તેણે કરાટે અને તાઇક્વૉન્ડોમાં પણ ભાગ લીધો હતો. UFCના વરિષ્ઠ ઉપાધ્યક્ષ અને એશિયાના વડા કેવિન ચાંગે જણાવ્યું હતું કે પૂજા તોમર ભારતમાં મહિલા MMAની અગ્રણી બની છે અને તેણે જીતીને ઇતિહાસ રચ્યો છે. UFCએ ૨૦૧૩થી મહિલાઓને એક પ્લૅટફૉર્મ આપ્યું છે.


Whatsapp-channel Whatsapp-channel

10 June, 2024 12:00 PM IST | New Delhi | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK