પતિ એક પણ રૂપિયો કમાયો નહીં એવી કમેન્ટ બદલ તેને ટીકાનો સામનો કરવો પડ્યો હતો
તસવીર સૌજન્યઃ સોશ્યલ મીડિયા
ભારતની ચૅમ્પિયન બૉક્સર મૅરી કૉમે તેના એક્સ-હસબન્ડ કરુંગ ઑન્ખોલર વિશે ગયા મહિને એક ઇન્ટરવ્યુમાં વિવાદિત નિવેદન આપ્યું હતું. પતિ એક પણ રૂપિયો કમાયો નહીં એવી કમેન્ટ બદલ તેને ટીકાનો સામનો કરવો પડ્યો હતો. એના માટે તેણે સ્પેશ્યલ વિડિયો શૅર કરીને પુરુષ સમુદાયની માફી માગી છે.
૬ વખતની વિશ્વ ચૅમ્પિયન બૉક્સર મૅરી કૉમે કહ્યું હતું કે ‘હું તે બધાની દિલથી માફી માગું છું જેઓ મારી કમેન્ટથી દુઃખી અથવા નિરાશ થયા છે. મારું નિવેદન ક્યારેય બધા પુરુષો માટે નહોતું, ન તો એનો હેતુ કોઈ વ્યક્તિને નીચી દર્શાવવા અથવા અપમાનિત કરવાનો હતો. હું એ સ્પષ્ટ કરવા માગું છું કે એવું નથી કે મારું લગ્નજીવન સફળ નહોતું. ઘણાં વર્ષોથી બધું બરાબર હતું પણ પછીથી વિશ્વાસ તૂટ્યો હતો.’
