મહિલા ચેસ વર્લ્ડ કપના સેમિફાઇનલમાં પહોંચી દિવ્યા દેશમુખ, ભારતીય ખેલાડી થઈ ભાવુક

FIDE Women`s World Cup semifinals: દિવ્યા દેશમુખ (Divya Deshmukh)એ ટાઈબ્રેકર જીતીને પોતાના દેશની હરિકા દ્રોણવલ્લીને હરાવીને ચેસ વર્લ્ડ કપની સેમિફાઇનલમાં પ્રવેશ કર્યો; જીત પછી ઈમોશનલ થઈ દિવ્યા, સોશ્યલ મીડિયા પર વીડિયો વાયરલ

પ્રતીકાત્મક ફાઇલ તસવીર

ભારતની દિવ્યા દેશમુખ (Divya Deshmukh)એ એફઆઇડીઇ મહિલા વર્લ્ડ કપ-૨૦૨૫ (FIDE Women`s World Cup)ના ક્વાર્ટર ફાઇનલમાં પોતાના દેશની ગ્રાન્ડ માસ્ટર હરિકા દ્રોણવલ્લી (Harika Dronavalli)ને હરાવીને સેમિફાઇનલ (FIDE Women`s World Cup semifinals)માં પ્રવેશ કર્યો. દિવ્યાએ બંને ટાઇ-બ્રેકર જીતીને સેમિફાઇનલમાં સ્થાન મેળવ્યું. આ જીત સાથે, દિવ્યા મહિલા વર્લ્ડ કપના સેમિફાઇનલમાં સ્થાન મેળવનારી બીજી ભારતીય ખેલાડી બની ગઈ છે. તેના પહેલા, કોનેરુ હમ્પી (Koneru Humpy)એ આ સિદ્ધિ મેળવી હતી, તે પણ આ જ આવૃત્તિમાં. આ ઐતિહાસિક જીત પછી, દિવ્યા ભાવુક થઈ ગઈ અને રડવા લાગી. જેના અનેક વીડિયો સોશ્યલ મીડિયા (Social Media) પર વાયરલ થયા છે.

આંતરરાષ્ટ્રીય માસ્ટર દિવ્યા દેશમુખે ચેસ વર્લ્ડ કપની સેમિફાઇનલમાં પ્રવેશ કર્યો. તેણીએ ટાઈબ્રેકરમાં દેશબંધુ દ્રોણવલ્લી હરિકાને હરાવી. ૧૯ વર્ષીય દિવ્યાએ ટાઈબ્રેકરની પહેલી ગેમ સફેદ પીસ સાથે જીતી, જ્યારે બીજી ગેમ કાળા પીસ સાથે જીતી. દિવ્યા અને હરિકા બંને વચ્ચે ક્લાસિકલ ફોર્મેટની રમતો બરાબર રહી. દિવ્યા પહેલી વાર વર્લ્ડ કપમાં રમી રહી છે. દિવ્યા પહેલા ૩૭ વર્ષીય કોનેરુ હમ્પી પણ સેમિફાઇનલમાં પહોંચી છે. સેમિફાઇનલમાં દિવ્યાનો સામનો ચીનની તાન ઝોંગી સામે થશે અને હમ્પીનો સામનો ચીનની લી ટીંગ જી સામે થશે. આ પહેલી વાર છે જ્યારે બે ભારતીય ખેલાડીઓએ વર્લ્ડ કપની સેમિફાઇનલમાં જગ્યા બનાવી છે.

ADVERTISEMENT

?? Divya Deshmukh is through to the semifinals of the 2025 FIDE Women’s World Cup!#FIDEWorldCup @DivyaDeshmukh05 pic.twitter.com/oUDcnQcGrP

— International Chess Federation (@FIDE_chess) July 21, 2025

હમ્પી અને દિવ્યા પાસે કેન્ડીડેટ્સ ટુર્નામેન્ટ માટે ક્વોલિફાય થવાની શાનદાર તક છે. ટોચના ત્રણ ખેલાડીઓને કેન્ડીડેટ્સ ટુર્નામેન્ટમાં પ્રવેશ મળશે. કેન્ડીડેટ્સ ટુર્નામેન્ટનો વિજેતા વિશ્વ ચેમ્પિયનને પડકાર ફેંકે છે. હરિકા પાસે બીજી ગેમમાં વાપસી કરવાની તક હતી, પરંતુ તે મેચ હારી ગઈ. હરિકાએ દિવ્યા સાથે હાથ મિલાવ્યા કે તરત જ તે ભાવુક થઈ ગઈ. તેણીને વિશ્વાસ જ ન થયો કે તે સેમિફાઇનલમાં પહોંચી ગઈ છે.

દિવ્યા દેશમુખ ટાઇટલ જીતવાથી બે ડગલાં દૂર છે અને આ બે ડગલાં તેના માટે કોઈપણ સંજોગોમાં સરળ નહીં હોય. સેમિફાઇનલમાં તેનો મુકાબલો ચીનની ગ્રાન્ડ માસ્ટર ટેન ઝાંગે સામે થશે. બીજા સેમિફાઇનલમાં હમ્પીનો મુકાબલો ચીનની લેઇ ટિંગજી સામે થશે. ફાઇનલ-૪માં બે ભારતીય ખેલાડીઓ છે અને જો તે બંને સેમિફાઇનલ જીતવામાં સફળ રહે છે, તો ટાઇટલ ભારતને મળવાનું નિશ્ચિત છે. હમ્પીએ ક્વાર્ટર ફાઇનલમાં ચીનની સોંગ યુક્સિનને ૧.૫-૦.૫ના સ્કોરથી હરાવ્યું. દિવ્યાએ હરિકાને ૩-૧થી હરાવી. હરિકાને હરાવ્યા પછી, દિવ્યા ભાવુક થઈ ગઈ અને રડવા લાગી. તેણે પોતાની આંખો પર હાથ મૂક્યો જે વ્યક્તિ સામાન્ય રીતે રડતી વખતે પોતાના આંસુ છુપાવવા માટે રાખે છે.

આ ટુર્નામેન્ટમાં ટોપ-૩ માં સ્થાન મેળવનારા ખેલાડીઓને આ વર્ષના અંતમાં યોજાનારી કેન્ડીડેટ્સ ટુર્નામેન્ટમાં સીધું સ્થાન મળશે. એક વાત સ્પષ્ટ છે કે આ કેન્ડીડેટ્સ ટુર્નામેન્ટમાં એક ભારતીય મહિલા ખેલાડી ચોક્કસ હશે.