° °

આજનું ઇ-પેપર
Saturday, 19 June, 2021


ઑસ્ટ્રેલિયન ઓપનનો વિનર બન્યો જૉકોવિચ

03 February, 2020 01:39 PM IST | Melbourne

ઑસ્ટ્રેલિયન ઓપનનો વિનર બન્યો જૉકોવિચ

નોવાક જૉકોવિચે

નોવાક જૉકોવિચે

ઑસ્ટ્રેલિયન ઓપનની મેન્સ સિંગલ્સ કૅટેગરીમાં રમાયેલી ફાઇનલ મૅચમાં સર્બિયાના નોવાક જૉકોવિચે ઑસ્ટ્રિયાના ડોમનિક થીએમને હરાવીને ટાઇટલ પોતાને નામે કર્યું હતું. અંદાજે ચારેક કલાક ચાલેલી પાંચ સેટની ગેમમાં જૉકોવિચે થીએમને ૬-૪, ૪-૬, ૨-૬, ૬-૩, ૬-૪થી હરાવ્યો હતો. આ જીત સાથે જૉકોવિચે આઠમી વખત ટુર્નામેન્ટનું ટાઇટલ પોતાના નામે કર્યું હતું. આ તેનું ૧૭મું ગ્રૅન્ડ સ્લૅમ ટાઇટલ બન્યું હતું. આ પહેલાં જૉકોવિચ વર્ષ ૨૦૦૮, ૨૦૧૧, ૨૦૧૨, ૨૦૧૩, ૨૦૧૫, ૨૦૧૬ અને ૨૦૧૯ એમ સાત વખત ઑસ્ટ્રેલિયન ઓપનનો ચૅમ્પિયન બન્યો હતો.

નોંધનીય છે કે જૉકોવિચ અત્યાર સુધી જેટલી વાર ઑસ્ટ્રેલિયન ઓપનની ફાઇનલમાં પહોંચ્યો છે એટલી વાર તે ટાઇટલ જીત્યો છે. આ મૅચ પહેલાં બન્ને ટેનિસ ખેલાડી ૧૧ વખત સામસામે આવ્યા હતા જેમાં જૉકોવિચને સાત વખત જીત મળી છે. જૉકોવિચે એક ફ્રેન્ચ ઓપન, પાંચ વિમ્બલડન અને ત્રણ યુએસ ઓપન ટાઇટલ પણ જીત્યાં છે. કોઈ પણ ત્રણ દશકમાં વર્ષનું પહેલું ગ્રૅન્ડ સ્લૅમ ટાઇટલ જીતનારો તે પહેલો ટેનિસ પ્લેયર અને ઓવરઑલ બીજો ટેનિસ પ્લેયર બન્યો છે. તેની પહેલાં ઑસ્ટ્રેલિયન પ્લેયર કેન રોસવોલે ૧૯૫૦, ૧૯૬૦ અને ૧૯૭૦ના દશકાનું પહેલું ગ્રૅન્ડ સ્લૅમ ટાઇટલ પોતાના નામે કરવાનો રેકૉર્ડ ધરાવતો હતો. જૉકોવિચ આ ટાઇટલ જીતી જતાં એટીપી રૅન્કિંગમાં રાફેલ નડાલને પછાડી પહેલા ક્રમે આવી ગયો છે.

ટાઇટલ જીતી લીધા બાદ આપેલી સ્પીચમાં જૉકોવિચે ઑસ્ટ્રેલિયાની ખતરનાક બુશફાયરમાં માર્યા ગયેલા લોકોને અને કોબે બ્રાયન્ટને ફરીથી યાદ કરી શ્રદ્ધાંજલિ આપી હતી.

સામા પક્ષે મેન્સ ડબલ્સમાં રાજીવ રામ અને જો સાલેસબરીએ લુક સવિલી અને મેક્સ પુરસેલને ૬-૪, ૬-૨થી હાર આપી ઑસ્ટ્રેલિયન ઓપનનું ટાઇટલ પોતાને નામ કર્યું હતું.

03 February, 2020 01:39 PM IST | Melbourne

અન્ય લેખો

અન્ય સ્પોર્ટ્સ

બેલ્જિયમ અને નેધરલૅન્ડ્સ ક્વૉર્ટર ફાઇનલમાં

યુરો કપમાં ગુરુવારે રાતે ડેન્માર્ક અને ઑસ્ટ્રિયાને હરાવીને નૉક-આઉટ રાઉન્ડમાં કર્યો પ્રવેશ

19 June, 2021 12:30 IST | New Delhi | Gujarati Mid-day Correspondent
અન્ય સ્પોર્ટ્સ

ન્યુઝ શોર્ટમાં: એક ક્લિકમાં વાંચો ખેલ જગતના તમામ સમાચાર

ઍથ્લિટો પાછળ ખેલ મંત્રાલયે પાંચ વર્ષમાં ૧૧૬૯.૬૫ કરોડ ખર્ચ્યા; સીપીએલ આવ્યું આઇપીએલની મદદે અને વધુ સમાચાર

19 June, 2021 11:56 IST | New Delhi | Gujarati Mid-day Correspondent
અન્ય સ્પોર્ટ્સ

‘ફ્લાઈંગ શિખ’ મિલ્ખા સિંહનું ૯૧ વર્ષની વયે નિધન, કોરોનાએ લીધો એથ્લેટનો ભોગ

છ દિવસ પહેલાં મિલ્ખા સિંહની પત્નીનું પણ મૃત્યુ થયું હતું; વડાપ્રધાન નરેન્દ્ર મોદી અને ગૃહ પ્રધાન અમિત શાહે દુઃખ વ્યક્ત કર્યું

19 June, 2021 08:58 IST | Chandigarh | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK