તેણે ૨૭ ફેબ્રુઆરીથી શરૂ થતી દુબઈ ટેનિસ ચૅમ્પિયનશિપ બાદ નિવૃત્તિ લેવાની ઘોષણા કરી છે
સાનિયા મિર્ઝા
ભારતીય ટેનિસ ખેલાડી સાનિયા મિર્ઝા અને તેની અમેરિકાની ડબલ્સની પાર્ટનર બેથાની માટેક સૅન્ડ્સ અબુ ધાબી ઓપન ડબ્લ્યુટીએ ૫૦૦ ટેનિસ ટુર્નામેન્ટમાંથી બહાર થઈ ગઈ છે. સાનિયા અને બેથાની સોમવારે વિમેન્સ ડબલ્સના પહેલા રાઉન્ડમાં બેલ્જિયમ અને જર્મનની જોડી કર્સ્ટન ફ્લિપકેન્સ અને લૌરા સિગમન્ડ સામે ૩-૬, ૪-૬થી હારી ગઈ હતી. આ હારને કારણે ૬ વખત ગ્રૅન્ડ સ્લૅમ જીતનાર સાનિયા તેની નિવૃત્તિની વધુ નજીક આવી ગઈ છે. તેણે ૨૭ ફેબ્રુઆરીથી શરૂ થતી દુબઈ ટેનિસ ચૅમ્પિયનશિપ બાદ નિવૃત્તિ લેવાની ઘોષણા કરી છે, જેમાં તે અમેરિકન ખેલાડી મેડિસન કીઝ સાથે વિમેન્સ ડબલ્સ રમશે. ગયા મહિને ઑસ્ટ્રેલિયન ઓપનમાં મિક્સ્ડ ડબલ્સમાં રનર્સઅપ રહીને તેણે ગ્રૅન્ડ સ્લૅમ કરીઅરને અલવિદા કરી દીધી હતી. સાનિયા મેલબર્ન પાર્કમાં જ મહેશ ભૂપતિ સાથે ૨૦૦૯માં પહેલી વખત ગ્રૅન્ડ સ્લૅમ જીતી હતી.
![Join Whatsapp Channel Whatsapp-channel](https://www.gujaratimidday.com/assets/images/whatsapp-desk-modified.png)
![Join Whatsapp Channel Whatsapp-channel](https://www.gujaratimidday.com/assets/images/whatsapp-mobile.png)