અફઘાનિસ્તાન પહેલી વખત ફાઇનલમાં એન્ટ્રી કરવાની આશા રાખી રહ્યું છે, ભારત ૯ વખત ફાઇનલ રમી ચૂક્યું છે
ફાઇલ તસવીર
મુંબઈકર આયુષ મ્હાત્રે આજે ભારતીય ટીમને દસમી વખત અન્ડર-19 વન-ડે વર્લ્ડ કપની ફાઇનલમાં પહોંચાડવાના ટાર્ગેટ સામે મેદાન પર ઊતરશે. પાંચ વખતની ચૅમ્પિયન ભારતીય ટીમ ૨૦૧૬થી સતત પાંચ વર્લ્ડ કપની ફાઇનલ મૅચ રમી ચૂકી છે. અફઘાનિસ્તાન પહેલી વખત આ ટુર્નામેન્ટની ફાઇનલમાં એન્ટ્રી કરવાની આશા રાખી રહ્યું છે. ૨૦૧૮ અને ૨૦૨૨માં આ ટીમ સેમી-ફાઇનલ મૅચ હારી ચૂકી છે.
યુવા વન-ડેમાં અફઘાનિસ્તાન સામે ભારતનો જીત-હારનો રેકૉર્ડ ૧૦-૨ છે. આ હરીફ સામે માત્ર બે હાર ૨૦૧૯માં દ્વિપક્ષીય સિરીઝમાં મળી હતી. છેલ્લે ૨૦૨૪માં સાઉથ આફ્રિકામાં ત્રિકોણીય સિરીઝમાં આ બન્ને ટીમ એકબીજા સામે આવી હતી ત્યારે ભારતે અફઘાનિસ્તાનને ૮૮ રનમાં ઑલઆઉટ કરીને ૯ વિકેટથી જીત મેળવી હતી.
