T20 ઇન્ટરનૅશનલમાં સ્પિનર નમન ધીરે સિક્સ આપ્યા પછી જ પાંચેય વિકેટ લીધી

હરિયાણાના ૨૬ વર્ષનો ઑલરાઉન્ડર નમન ધીર IPLમાં તેની બૅટિંગને કારણે જાણીતો હતો. નમન ધીરે ૩ T20 મૅચમાં પાંચ વિકેટ લીધી છે.

નમન ધીર

હરિયાણાના ૨૬ વર્ષનો ઑલરાઉન્ડર નમન ધીર IPLમાં તેની બૅટિંગને કારણે જાણીતો હતો. જોકે ઇન્ટરનૅશનલ ક્રિકેટમાં નમન ધીરની સ્પિન બોલિંગે સૌનું ધ્યાન ખેંચ્યું છે.

૩ વન-ડે મૅચમાં માત્ર એક વિકેટ લેનાર નમન ધીરે ૩ T20 મૅચમાં પાંચ વિકેટ લીધી છે. તે વન-ડેમાં ૯૯ બૉલમાં ૧૦૪ રન અને T20માં ૫૪ બૉલમાં ૯૫ રન આપી ચૂક્યો છે. ૧ વન-ડે ઇનિંગ્સમાં તેણે ૩૦ રનનું અને બે T20 ઇનિંગ્સમાં ૧૪ રનનું યોગદાન આપ્યું છે. 

ADVERTISEMENT

T20 ઇન્ટરનૅશનલમાં નમન ધીરે જે પાંચ વિકેટ લીધી એ દરેક વિકેટ સિક્સ આપ્યા પછી જ લીધી હતી. પહેલી T20 મૅચમાં તેણે શાઇ હોપ, રોમારિયો શેફર્ડ, શમાર સ્પ્રિંગર અને ત્રીજી મૅચમાં શિમરન હૅટમાયર, કામિલ પૂરનની વિકેટ લીધી હતી; પણ આ પાંચેય બૅટર આઉટ થયા એ પહેલાં બૉલે તેમણે નમન ધીરને સિક્સ ફટકારી હતી.