30 વર્ષીય શાર્દુલ ઠાકુર હાલમાં ટીમ ઈન્ડિયામાંથી બહાર છે અને બ્રેક પર છે.
ભારતીય ફાસ્ટ બોલર શાર્દુલ ઠાકુર. Pic/Getty Images
ભારતના ફાસ્ટ બોલર શાર્દુલ ઠાકુરે સગાઈ કરી લીધી છે. મુંબઈથી આવીને આ ખેલાડીએ તેની ગર્લફ્રેન્ડ મિતાલી પારુલકર સાથે ૨૯ નવેમ્બરે સગાઈ કરી હતી. આ કાર્યક્રમ મુંબઈમાં પરિવારના સભ્યોની હાજરીમાં થયો હતો. બંનેની સગાઈના ફોટા અને વીડિયો સોશિયલ મીડિયા પર સામે આવ્યા છે. આ કાર્યક્રમ બાંદ્રા-કુર્લા કોમ્પ્લેક્સમાં યોજાયો હતો. આ દરમિયાન નજીકના મિત્રો અને પરિવારના સભ્યો હાજર રહ્યા હતા. તે સ્પષ્ટ નથી કે ભારતીય ક્રિકેટરોમાંથી કોઈ જોડાયું હતી કે નહીં. એવા સમાચાર છે કે શાર્દુલ ઠાકુર આવતા વર્ષે ઓસ્ટ્રેલિયામાં T20 વર્લ્ડ કપ બાદ લગ્ન કરી શકે છે.
30 વર્ષીય શાર્દુલ ઠાકુર હાલમાં ટીમ ઈન્ડિયામાંથી બહાર છે અને બ્રેક પર છે. તેણે અત્યાર સુધી ચાર ટેસ્ટ, 15 વનડે અને 24 ટી20 મેચ રમી છે. તે હાલમાં જ T20 વર્લ્ડ કપ માટે ભારતીય ટીમનો ભાગ હતો. અગાઉ IPL 2021માં તે ચેન્નાઈ સુપર કિંગ્સ તરફથી રમ્યો હતો. હાલના સમયમાં શાર્દુલ ત્રણેય ફોર્મેટમાં ટીમ ઈન્ડિયા માટે રમી રહ્યો છે. ટેસ્ટમાં તેણે બેટથી પણ અજાયબીઓ સર્જી છે. ઓસ્ટ્રેલિયા અને ઈંગ્લેન્ડના પ્રવાસમાં તેણે અડધી સદી ફટકારી હતી. આ કારણે તેના ખૂબ વખાણ થયા હતા.
ADVERTISEMENT
View this post on Instagram
શાર્દુલ ઠાકુર મુંબઈના ઉપનગરીય વિસ્તાર પાલઘરનો વતની છે. તેણે 2017માં ટીમ ઈન્ડિયામાં ડેબ્યૂ કર્યું હતું. તે જ સમયે, ટેસ્ટ ડેબ્યૂ 2018માં થયું હતું. તેણે અત્યાર સુધી ટેસ્ટમાં 14, વનડેમાં 22 અને ટી20માં 31 વિકેટ ઝડપી છે. શાર્દુલ ઠાકુર અને રોહિત શર્માએ સાથે રમતા-રમતા આગળ વધ્યા છે. બંનેએ એક જ કોચ દિનેશ લાડ પાસેથી રમતની બારીકાઈઓ શીખી છે. શાળાના દિવસોમાં તેણે છ બોલમાં છ છગ્ગા મારવાનું પરાક્રમ પણ કર્યું હતું.
બાદમાં મુંબઈ માટે ઘરેલુ ક્રિકેટમાં અજાયબી કરીને તેણે ટીમ ઈન્ડિયામાં જગ્યા બનાવી હતી. તેણે મુંબઈને રણજી ચેમ્પિયન બનાવવામાં પણ મહત્ત્વની ભૂમિકા ભજવી હતી. આઈપીએલમાં તેનું ડેબ્યુ પંજાબ કિંગ્સ સાથે થયું હતું, પરંતુ બાદમાં તેને ચેન્નાઈ સુપર કિંગ્સમાં આવીને સફળતા મળી. અહીં તે 2018 અને 2021માં ટાઈટલ જીતનારી ટીમનો ભાગ હતો.