Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > ક્રિકેટ > આર્ટિકલ્સ > IPL 2024: MI કૅપ્ટનની આવી હરકત કેમેરામાં થઈ કેદ, વીડિયો લીક થતાં પંડ્યા ટ્રોલ

IPL 2024: MI કૅપ્ટનની આવી હરકત કેમેરામાં થઈ કેદ, વીડિયો લીક થતાં પંડ્યા ટ્રોલ

29 March, 2024 03:46 PM IST | Mumbai
Gujarati Mid-day Online Correspondent | gmddigital@mid-day.com

મુંબઈ ઈન્ડિયન્સનો નવો કૅપ્ટન હાર્દિક પંડ્યા ટીકાકારોના નિશાને ચડ્યો છે. મુંબઈ ઈન્ડિયન્સને આઈપીએલ 2024ની શરૂઆતની બન્ને મેચમાં હારનો સામનો કરવો પડ્યો છે. પંડ્યા પર આ સમયે ખૂબ જ દબાણ જોવા મળી રહ્યું છે.

હાર્દિક પંડ્યા (ફાઈલ તસવીર)

હાર્દિક પંડ્યા (ફાઈલ તસવીર)


મુંબઈ ઈન્ડિયન્સનો નવો કૅપ્ટન હાર્દિક પંડ્યા ટીકાકારોના નિશાને ચડ્યો છે. મુંબઈ ઈન્ડિયન્સને આઈપીએલ 2024ની શરૂઆતની બન્ને મેચમાં હારનો સામનો કરવો પડ્યો છે. પંડ્યા પર આ સમયે ખૂબ જ દબાણ જોવા મળી રહ્યું છે.

ઇન્ડિયન પ્રીમિયર લીગ (IPL) ઇતિહાસની સૌથી સફળ ફ્રેન્ચાઈઝી ટીમ મુંબઈ  ઈન્ડિયન્સ માટે આ સીઝનની શરૂઆતમાં જ તમામ વિવાદો સાથે થઈ છે. આઈપીએલ 2024ના ઑક્શન પહેલા હાર્દિક પંડ્યાને ગુજરાત ટાઈટન્સથી ઑલ-કૅશ ડીલ સાથે ટ્રેડ કર્યા બાદથી જ સતત મુંબઈ ઈન્ડિયન્સ ટીમમાં વિવાદોની જુદી જુદી ચર્ચા સામે આવી છે. IPL 2024 પહેલા હાર્દિક પંડ્યાને મુંબઈ ઈન્ડિયન્સનો નવો કેપ્ટન બનાવવામાં આવ્યો હતો. રોહિત શર્માને આ રીતે સુકાની પદ પરથી હટાવવામાં આવે તે ચાહકોને પસંદ નહોતું. મુંબઈ ઈન્ડિયન્સને આઈપીએલ 2024માં અત્યાર સુધીની તેમની પ્રથમ બે લીગ મેચોમાં હારનો સામનો કરવો પડ્યો છે. આ બંને મેચમાં, કેપ્ટન હાર્દિક પંડ્યા સ્ટેડિયમમાં જોરદાર બૂમ પાડી રહ્યો હતો, જ્યારે રોહિત શર્માનું સમર્થન ભારે જોવા મળ્યું હતું. હાર્દિક પંડ્યાનો એક વીડિયો લીક થયો છે, જેમાં તેની એક હરકત કેમેરામાં કેદ થઈ છે.




હકીકતે, સોશિયલ મીડિયા પર એક નાનકડી વિડિયો ક્લિપ ખૂબ જ શૅર કરવામાં આવી રહી છે, જેમાં હાર્દિક પંડ્યા થોડો સમય આકાશ અંબાણી સાથે વાત કરતો જોવા મળ્યો હતો, ત્યારબાદ જ્યારે તે ડ્રેસિંગ રૂમમાં પાછો જવા લાગ્યો તો સ્ટેડિયમમાં રહેલા પ્રશંસકો રોહિત-રોહિતની બૂમો પાડવા લાગ્યા. હાર્દિક ઝડપથી દોડતો જોવા મળ્યો હતો અને ઝડપથી સ્ટેડિયમમાં ફેન્સિંગ પર હાથ માર્યો હતો. તેની એક્શન કેમેરામાં કેદ થઈ ગઈ હતી અને હવે આ લીક થયેલો વીડિયો સોશિયલ મીડિયા પર ઝડપથી વાયરલ થઈ રહ્યો છે.


મુંબઈ ઈન્ડિયન્સની IPL 2024માં પ્રથમ બે મેચમાં હાર્દિક પંડ્યાની કેપ્ટનશીપ પણ સવાલોના ઘેરામાં રહી છે. જસપ્રીત બુમરાહને શરૂઆતની ઓવરોમાં બોલિંગ કરવાની મંજૂરી ન આપવી, હાર્દિક પોતે બેટિંગ ક્રમમાં ઉતરે છે અને જરૂર પડ્યે ઝડપી બેટિંગ કરી શકતો નથી... આવી બાબતો માટે તેની ઘણી ટીકા થઈ રહી છે. મુંબઈ ઈન્ડિયન્સને ગુજરાત ટાઈટન્સ સામે છ રનથી હારનો સામનો કરવો પડ્યો હતો, જ્યારે સનરાઈઝર્સ હૈદરાબાદે મુંબઈ ઈન્ડિયન્સને 31 રનથી હરાવ્યું હતું.

જ્યારથી હાર્દિક પાંડ્યાએ મુંબઈ ઇન્ડિયન્સનું સુકાની પદ સંભાળ્યું છે, ત્યારથી ન તો તેમની સાથે કે ન તો તેમની ટીમ સાથે કંઈ સારું થઈ રહ્યું છે. એમઆઈ આઈપીએલ 2024ની શરૂઆતની બે મેચ હારીને પૉઈન્ટ્સ ટેબલ પર સૌથી નીચે 9મા નંબર પર છે. મુંબઈ ઈન્ડિયન્સને પહેલી મેચમાં ગુજરાત ટાઈટન્સ સામે હારનો સામનો કરવો પડ્યો હતો જેમાં ક્રિકેટ દિગ્ગજોએ એ કહીને હાર્દિક પાંડ્યાને માથે પરાજયનું ઠીકરું ફોડ્યું હતું કે કૅપ્ટન પોતે ડગઆઉટમાં બેસીને ટીમ ડેવિડને કેવી રીતે બેટિંગ માટે મોકલી શકે છે? તો હવે સનસાઈઝર્સ હૈદરાબાદ વિરુદ્ધની મેચમાં પણ તેને મુંબઈ ઈન્ડિયન્સની પરાજયનું કારણ કહી રહ્યા છે.

સનરાઇઝર્સ હૈદરાબાદ દ્વારા આપવામાં આવેલા 278 રનના ટારગેટને પામવાનો પ્રયત્ન કરતી વખતે, જ્યાં મુંબઈ ઇન્ડિયન્સના દરેક બેટ્સમેન 200ની આસપાસ સ્ટ્રાઇક રેટ સાથે બેટિંગ કરી રહ્યા હતા, ત્યારે કેપ્ટન પંડ્યાનો સ્ટ્રાઇક રેટ માત્ર 120 હતો. ઇનિંગની 11મી ઓવરમાં હાર્દિક પંડ્યા બેટિંગ કરવા આવ્યો હતો. આ દરમિયાન તેણે 20 બોલમાં 1 ફોર અને એક સ્કાયસ્ક્રેપર સિક્સરની મદદથી 24 રનની ઇનિંગ રમી હતી. પંડ્યાએ ઇનિંગ્સના પ્રથમ ચાર બોલમાં આ બે બાઉન્ડ્રી ફટકારી હતી. ત્યાર બાદ, તે પછીના 20 બોલમાં બાઉન્ડ્રી લાઇનની પાર એક પણ બોલ પહોંચાડી શક્યો નહોતો.

Whatsapp-channel Whatsapp-channel

29 March, 2024 03:46 PM IST | Mumbai | Gujarati Mid-day Online Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK