અક્ષર પટેલ પણ પ્લેયર ઑફ ધ મન્થ અવૉર્ડ માટે નૉમિનેટ : કૅમેરન ગ્રીન પણ રેસમાં
ICC Player Of the Month Award
કૅપ્ટન હરમનપ્રીત કૌર અને વાઇસ-કૅપ્ટન સ્મૃતિ મંધાનાની ફાઇલ તસવીર.
આઇસીસી દર મહિને સર્વશ્રેષ્ઠ ક્રિકેટરને અવૉર્ડ આપે છે અને સપ્ટેમ્બરના ‘પ્લેયર ઑફ ધ મન્થ’ના પુરસ્કાર માટે મહિલા વર્ગમાં ઓપનિંગ બૅટર સ્મૃતિ મંધાના અને ભારતીય કૅપ્ટન હરમનપ્રીત કૌરને નૉમિનેટ કરવામાં આવી છે. મેન્સ કૅટેગરીમાં અક્ષર પટેલને નૉમિનેટ કરાયો છે.
વાઇસ-કૅપ્ટન મંધાના તથા હરમનને પહેલી જ વાર આ પુરસ્કાર માટે શૉર્ટલિસ્ટ કરાઈ છે અને જો બેમાંથી કોઈને આ પુરસ્કારની વિજેતા તરીકે પસંદ કરવામાં આવશે તો તે ભારતની સૌપ્રથમ વિમેન્સ પ્લેયર ઑફ ધ મન્થ અવૉર્ડવિજેતા કહેવાશે. ઇંગ્લૅન્ડ સામેની તાજેતરની ટી૨૦ અને વન-ડે સિરીઝમાં તેમણે સારું પર્ફોર્મ કર્યું હતું. બીજી કેટલીક વિદેશી ખેલાડીઓ પણ આ પુરસ્કાર માટેની રેસમાં છે.
ADVERTISEMENT
અક્ષર પટેલને ઑસ્ટ્રેલિયા તથા સાઉથ આફ્રિકા સામેના તાજેતરના અસાધારણ પર્ફોર્મન્સ બદલ પ્લેયર ઑફ ધ મન્થ અવૉર્ડ માટે નૉમિનેટ કરવામાં આવ્યો છે. જોકે પાકિસ્તાનના મોહમ્મદ રિઝવાન અને ઑસ્ટ્રેલિયાના કૅમેરન ગ્રીન સહિતના બીજા કેટલાક નૉમિનેશન્સ પણ ધ્યાનમાં લેવામાં આવશે.