° °

આજનું ઇ-પેપર
Saturday, 03 December, 2022


ગોવા પ્રવાસન વિભાગે યુવરાજ સિંહને આ મામલે પાઠવી નોટિસ, ૮ ડિસેમ્બરે હાજર થવાનો આદેશ

23 November, 2022 02:49 PM IST | Mumbai
Gujarati Mid-day Online Correspondent | gmddigital@mid-day.com

ડિપાર્ટમેન્ટે નોટિસમાં યુવરાજના એક ટ્વીટનો પણ ઉલ્લેખ કર્યો છે

ફાઇલ તસવીર

ફાઇલ તસવીર

ગોવાના પ્રવાસન વિભાગે (Goa Tourism Department) ભૂતપૂર્વ ક્રિકેટર યુવરાજ સિંહ (Yuvraj Singh)ને મોર્જિમમાં તેના વિલાને રજિસ્ટર કર્યા વિના `હોમસ્ટે` તરીકે ચલાવવા બદલ નોટિસ ફટકારી છે. વિભાગે યુવરાજ સિંહને 8 ડિસેમ્બરે સવારે 11 વાગે પૂછપરછ માટે બોલાવ્યા છે, જેમાં ક્રિકેટરે પોતાનો પક્ષ મૂકી સવાલોના જવાબ આપવાના રહેશે. ગોવા ટુરિઝમ બિઝનેસ એક્ટ 1982 હેઠળ, રાજ્યમાં `હોમસ્ટે` અથવા હૉટેલનું સંચાલન રજિસ્ટર કર્યા પછી જ થઈ શકે છે.

રાજ્યના પ્રવાસન વિભાગના ડેપ્યુટી ડાયરેક્ટર રાજેશ કાલેએ 18 નવેમ્બરે ઉત્તર ગોવાના મોર્જિમમાં ભૂતપૂર્વ ક્રિકેટર યુવરાજ સિંહની માલિકીના વિલા `કાસા સિંઘ`ના સરનામે નોટિસ મોકલી છે. જાહેર નોટિસમાં ભૂતપૂર્વ ઓલરાઉન્ડર ખેલાડીને 8 ડિસેમ્બરના રોજ સવારે 11 વાગ્યે હજાર થવા માટે કહેવામાં આવ્યું છે.

પ્રવાસન વિભાગ દંડ લઈ શકે છે

નોટિસમાં 40 વર્ષીય ભૂતપૂર્વ ક્રિકેટરને પૂછવામાં આવ્યું છે કે “કેમ તેની સામે ટુરિઝમ ટ્રેડ એક્ટ હેઠળ મિલકતની નોંધણી ન કરવા બદલ દંડાત્મક કાર્યવાહી (રૂા. એક લાખ સુધીનો દંડ) ન કરવી જોઈએ.” વધુમાં, નોટિસમાં જણાવવામાં આવ્યું છે કે, “તે નીચે સહી કરનારના ધ્યાન પર આવ્યું છે કે વર્ચેવાડા, મોર્જિમ, પરનેમ, ગોવા ખાતે સ્થિત તમારો રહેણાંક પરિસર કથિત રીતે ‘હોમસ્ટે’ તરીકે કાર્યરત છે અને `Airbnb` જેવા ઓનલાઈન પ્લેટફોર્મ પર બુકિંગ માટે ઉપલબ્ધ છે.”

ડિપાર્ટમેન્ટે નોટિસમાં યુવરાજના એક ટ્વીટનો પણ ઉલ્લેખ કર્યો છે, જેમાં તેણે કહ્યું છે કે તે પોતાના ગોવાના ઘરે છ લોકોને હોસ્ટ કરશે અને તેનું બુકિંગ ફક્ત `એરબીએનબી` પર જ રહેશે.

આ પણ વાંચો: વન-ડેમાં હવે ૫૦૦નું ટોટલ દૂર નથી : તામિલનાડુએ ચીલો ચાતર્યો

23 November, 2022 02:49 PM IST | Mumbai | Gujarati Mid-day Online Correspondent

અન્ય લેખો

ક્રિકેટ

ઓસ્ટ્રેલિયન ક્રિકેટર Ricky Ponting હાર્ટ એટેક આવતા હોસ્પિટલમાં દાખલ

રિકી પોન્ટિંગને હૃદય સંબંધિત ફરિયાદ બાદ શુક્રવારે પર્થની હોસ્પિટલમાં દાખલ કરવામાં આવ્યા હતા.

02 December, 2022 05:50 IST | Mumbai | Gujarati Mid-day Online Correspondent
ક્રિકેટ

બ્રિટિશ બૅટર્સનો રેકૉર્ડ બ્રેકિંગ પર્ફોર્મન્સ

૧૯૧૦માં સિડનીમાં સાઉથ આફ્રિકા સામે ઑસ્ટ્રેલિયાએ બે પ્લેયરની સદીની મદદથી પહેલા દિવસે ૫૨૮ રન બનાવ્યા હતા

02 December, 2022 12:50 IST | New Delhi | Gujarati Mid-day Correspondent
ક્રિકેટ

ઇન્ડિયા વિમેન અન્ડર-19 ટીમ ૩-૦થી શ્રેણી જીતી

ભારતીય ટીમની ૭માંથી ૪ બોલર્સને વિકેટ મળી હતી;

02 December, 2022 12:45 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK