કોલંબોમાં ગઈ કાલે ઑસ્ટ્રેલિયાની ટીમ શ્રીલંકા સામેની ચોથી વન-ડે છેલ્લા બૉલે હારી જતાં દાસુન શનાકાની ટીમે ૪ રનના માર્જિનથી વિજય મેળવ્યો હતો.
પ્રતીકાત્મક તસવીર
કોલંબોમાં ગઈ કાલે ઑસ્ટ્રેલિયાની ટીમ શ્રીલંકા સામેની ચોથી વન-ડે છેલ્લા બૉલે હારી જતાં દાસુન શનાકાની ટીમે ૪ રનના માર્જિનથી વિજય મેળવ્યો હતો. શ્રીલંકાએ ચરિથા અસલન્કાના ૧૧૦ રન અને ધનંજય ડિસિલ્વાના ૬૦ રનની મદદથી નિર્ધારિત ૪૯ ઓવરમાં ૨૫૮ રન બનાવ્યા પછી કાંગારૂઓની ટીમ ૫૦મી ઓવરના અંતિમ બૉલમાં ૨૫૪ રનના સ્કોર પર ઑલઆઉટ થઈ ગઈ હતી. ઓપનર ડેવિડ વૉર્નરની ૯૯ રનના તેના સ્કોર પર ધનંજય ડિસિલ્વાએ સ્ટમ્પ-આઉટમાં વિકેટ લીધી હતી.
ઑસ્ટ્રેલિયાએ આખરી ૬ બૉલમાં ૧૯ રન બનાવવાના હતા અને એની એક જ વિકેટ બાકી હતી. ૧૪ રન બન્યા બાદ કૅપ્ટન શનાકાની એ ઓવરના છેલ્લા બૉલમાં મૅથ્યુ કેહનેમન કૅચઆઉટ થતાં શ્રીલંકાનો રોમાંચક વિજય થયો હતો અને એણે પાંચ મૅચની સિરીઝમાં ૩-૧થી વિજયી સરસાઈ મેળવી હતી.