રાષ્ટ્રપતિ દ્રૌપદી મુર્મુએ મંગળવારે નવી દિલ્હીના રાષ્ટ્રપતિ ભવન ખાતે આયોજિત બીજા નાગરિક સન્માન સમારોહ દરમિયાન વિવિધ ક્ષેત્રોના વિજેતાઓને પદ્મ પુરસ્કારો એનાયત કર્યા. આ પ્રસંગે વડા પ્રધાન નરેન્દ્ર મોદી, ઉપરાષ્ટ્રપતિ જગદીપ ધનખર, કેન્દ્રીય મંત્રીઓ અમિત શાહ, એસ. જયશંકર, પ્રહલાદ જોશી, જીતેન્દ્ર સિંહ, જી. કિશન રેડ્ડી અને અન્ય ઘણા મહાનુભાવો હાજર રહ્યા હતા. ભારતના ભૂતપૂર્વ મુખ્ય ન્યાયાધીશ જગદીશ સિંહ ખેહર, નૃત્યાંગના શોભના ચંદ્રકુમાર, અભિનેતા અનંત નાગ અને પ્રતિષ્ઠિત કિંગ જ્યોર્જ મેડિકલ યુનિવર્સિટીના વાઇસ ચાન્સેલર સોનિયા નિત્યાનંદ સહિત ૬૮ પ્રતિષ્ઠિત વ્યક્તિઓને મંગળવારે રાષ્ટ્રપતિ દ્રૌપદી મુર્મુ દ્વારા પ્રતિષ્ઠિત પદ્મ પુરસ્કારોથી સન્માનિત કરવામાં આવ્યા.
29 May, 2025 06:55 IST | New Delhi | Gujarati Mid-day Online Correspondent
