મધ્ય પ્રદેશના ઉજ્જૈનમાં થોડા દિવસ પહેલાં લગ્નસમારંભમાં એક નાનકડી વાતે બબાલ મચી ગઈ હતી
બબાલ મચી હતી તે દૃશ્ય
મધ્ય પ્રદેશના ઉજ્જૈનમાં થોડા દિવસ પહેલાં લગ્નસમારંભમાં એક નાનકડી વાતે બબાલ મચી ગઈ હતી. એક તરફ લગ્ન લેવાઈ રહ્યાં હતાં અને બીજી તરફ જમવાનું ચાલી રહ્યું હતું. ફોટોગ્રાફર બધાની તસવીરો પણ લઈ રહ્યો હતો. જોકે ફોટોગ્રાફરે એક મહિલાને સહેજ ખસવાનું કહ્યું હતું. તે જ્યાં ફોટો લઈ રહ્યો હતો એ ફ્રેમમાંથી તેને હટાવવા માટે ફોટોગ્રાફરે સહેજ હાથ લગાડ્યો હતો. જોકે આ વાતે મહિલા અને તેના પરિવારજનો ભડકી ઊઠ્યાં હતાં. વાત મહિલાને જાણીજોઈને સાઇડલાઇન કરવામાં આવી રહી છે એવા આરોપ સુધી પહોંચી. વર અને કન્યાપક્ષના લોકો આ મામલે આમનેસામને આવી ગયા અને પછી તો વાસણો, ખુરસીઓ જે હાથમાં આવ્યું એની એકબીજા પર ફેંકમફેંક શરૂ થઈ ગઈ. લગ્ન થઈ ગયાં પણ વિવાદને કારણે કન્યાવિદાય ન થઈ.
