આ ઘટના પંજાબની હોવાનું કહેવાઈ રહ્યું છે
તસવીર સૌજન્યઃ સોશ્યલ મીડિયા
પ્રાણીપ્રેમની મિસાલ કહેવાય એવો એક વિડિયો સોશ્યલ મીડિયા પર ફરી રહ્યો છે. એક માણસ ઇલેક્ટ્રિક વાયરમાં ફસાયેલા પંખીને બચાવવા માટે પોતાનો જીવ જોખમમાં મૂકીને ક્રેન પર લટકી ગયો હતો. એક પંખી ઊંચે તાર પર લટક્યું હતું અને ફફડી રહ્યું હતું. આસપાસમાં કંઈ જ બીજું ન મળ્યું તો તેણે ક્રેનની મદદથી પંખીને છોડાવવાનું બીડું ઝડપ્યું. આ ઘટના પંજાબની હોવાનું કહેવાઈ રહ્યું છે. ખૂબ મહેનત પછી તે માણસ પંખીને મુક્ત કરી શકે છે. આ વિડિયો-ક્લિપ સોશ્યલ મીડિયામાં બહુ વાઇરલ થઈ હતી અને પંખીને બચાવનારા હીરોએ લોકોની શાબાશી અને પ્રશંસા મેળવી હતી. આ ઘટના એક ગુરુદ્વારાની બહાર બની હતી.
