આ ભાઈના શરીર પર કેટલી ગરોળીઓ ફરે છે એ ગણી બતાવો તો ખરા

સોશ્યલ મીડિયા પર વાઇરલ થયેલા વિડિયોમાં એ સ્પષ્ટ દેખાય છે કે ચીનીભાઈને ગરોળીઓ બહુ ગમે છે. તેનાં કપડાં પર પગથી લઈને માથા સુધી અઢળક ગરોળીઓ ચીપકેલી છે

ચીનનો એક બંદો છે જેને ગરોળીનો જરાય ડર લાગતો નથી

ઘરની દીવાલ પર એક ગરોળી જોવા મળી જાય તો પણ ઊછળકૂદ કરી મૂકે એવા લોકોની સંખ્યા પૃથ્વી પર અઢળક છે, પરંતુ ચીનનો એક બંદો છે જેને ગરોળીનો જરાય ડર લાગતો નથી. આ ભાઈસાહેબ તો પોતાના શરીર પર ડઝનબંધ ગરોળીઓ ચીપકાવીને ફરે છે. આવું કરવા પાછળનું કારણ શું છે એ તો ખબર નથી, પરંતુ સોશ્યલ મીડિયા પર વાઇરલ થયેલા વિડિયોમાં એ સ્પષ્ટ દેખાય છે કે ચીનીભાઈને ગરોળીઓ બહુ ગમે છે. તેનાં કપડાં પર પગથી લઈને માથા સુધી અઢળક ગરોળીઓ ચીપકેલી છે. શરૂઆતમાં એવું લાગે કે કદાચ કપડાં પર ગરોળીની ડિઝાઇન હશે; પણ ના, ગરોળીઓ કપડાં પર બિન્દાસ ફરે પણ છે. @sports.jx.china નામના અકાઉન્ટ પરથી વિડિયો શૅર કરીને કૅપ્શનમાં લખ્યું છે, ‘એક યુવાન ચીની શહેરને અલવિદા કરીને ગરોળીઓ પાળવા માટે ગામડામાં રહેવા લાગ્યો છે.’