જપાનમાં ૯૫૦ કિલો વજનની સૌથી મોટી પતંગ ચગી

આ એક પતંગને ચગાવવા માટે ૨૫ જણની મદદ લેવામાં આવી હતી

પતંગ

ઊગતા સૂર્યના દેશ જપાનમાં શનિવારે ઓડાકુ માત્સુરી નામે ઓળખાતો કાઇટ ફેસ્ટિવલ યોજાયો હતો. ટોક્યો નજીક આવેલી સાગામીહારા નામની નદીના કાંઠે યોજાયેલા આ ફેસ્ટિવલ દરમ્યાન ૧૫X૧૫ મીટરની સાઇઝ અને ૯૫૦ કિલો વજન ધરાવતી મસમોટી પતંગ ચગાવવામાં આવી હતી. આ એક પતંગને ચગાવવા માટે ૨૫ જણની મદદ લેવામાં આવી હતી. કાઇટ ફેસ્ટિવલની સાથે જૅપનીઝ ફૂડ ફેસ્ટિવલ પણ યોજાય છે જેમાં લોકો યાકીતૉરી (ગ્રિલ્ડ ચિકન), ચૉકલેટ કવર્ડ બનાના, ઓકોનોમિયાકી (એક પ્રકારની નૉન-વેજ પૅનકેક) જેવી વાનગી પણ ખાય છે.